ChaTraMue Cafe

營業中

休息中

自己一個係新城市同希爾頓附近行左一輪，見到呢間餐廳有午市優惠又無乜人就入去試吓。坐底左好快有人過黎比杯水，本身係掃碼落單但由於我入去前已經諗好食咩所以一坐底佢未比單就嗌左野食。今次叫左個冬蔭公炒飯加泰式奶茶。個炒飯唔係乾身個啲，係濕濕地。味道我覺得唔錯，屬於重味既，冬蔭公既酸辣香料味都有不過咸左小小，飯面有幾隻蝦，唔知係咪個飯太重味，食落好淡，肉質正常唔梅，成個飯份量足夠，女士應該食唔晒。泰式奶茶叫左小冰但都有唔少冰，飲落奶味好重，泰式奶茶獨有個種味唔係好突出，甜度足夠，如果鐘意飲甜野會喜歡。