1988 (已結業)

好友每年都去泰國三、四次，疫症期間當然冇得郁啦，所以佢約我嚟呢間「工廠大廈穩世泰國食店」，佢仲話一定要早幾日book, 餐廳細細間，如果冇book去到，就只能講byebye😅。我哋點咗：小食拼盤有蝦餅，魚餅，春巻，雞棗；炸得香口，每件都大大件，幾抵食。咁多香口美食，當然要每人點杯「青檸梳打」清清熱氣，青檸很新鮮，甜度適中，清新解渴。泰式燒豬頸肉呢個係招牌菜，邊緣位置微微燒焦，有陣陣炭燒香，肉質好juice，配以泰式酸辣醬，好惹味。蒜蓉包一層厚厚嘅牛油蒜蓉，又香又脆，好快就俾我哋兩個食晒😊。黃咖哩牛腩就有啲失望，咖哩汁幾香濃好味，不過牛腩唔知點解冇味道😅。