影片
更多
2023-05-05
529 瀏覽
餐廳：Siam 28 (銅鑼灣)地址：銅鑼灣軒尼詩道525號澳門逸園中心28樓「Siam」即喺暹羅，喺古代泰國嘅名稱🇹🇭，依家都仲會有人叫泰國做暹羅，而呢間Siam 28 主打既新派又傳統嘅泰國菜，位於銅鑼灣澳門逸園中心28樓，所以就取名「Siam 28」Siam 28 開咗6年左右，由廚房到水吧都喺泰國人主理👨🏽🍳，將泰國地道嘅食材同家鄉菜用嶄新嘅方式呈現喺食客面前，再迎合香港人嘅口味作出調整，整出一道又一道「Thaipas」泰式小食，意思如同西班牙嘅Tapas，當然唔少得多款傳統泰菜啦😋✝️炸女婿蛋 $79泰國外母見到女婿嗰陣會整嘅一道傳統泰國小食，餐廳用咗鵪鶉蛋取代雞蛋🥚，一啖一粒夠晒方便易食，外層有薄薄一層脆皮，配埋豬肉片、炸蒜片，同羅望子醬一齊食就更酸甜開胃✝️泰北牛腩湯 $109大推嘅泰北傳統辣湯😍，先將牛腩炆腍，再加入用咗大量泰式香料煮成嘅辣湯，包括草菇、辣椒🌶️、車厘茄、檸檬葉🌱、香茅🌿、洋蔥🧅、金不換等，大部分食材都喺由泰國返貨，用埋青檸去提升鮮香，飲落少少嗆喉，但酸辣過癮，超級暖胃，唔太食得辣嘅人記得叫小辣喇✝️炒鮮蝦金邊粉 $122用咗泰國南部嘅煮法去整，金邊粉加咗茄汁
地址：銅鑼灣軒尼詩道525號澳門逸園中心28樓
「Siam」即喺暹羅，喺古代泰國嘅名稱🇹🇭，依家都仲會有人叫泰國做暹羅，而呢間Siam 28 主打既新派又傳統嘅泰國菜，位於銅鑼灣澳門逸園中心28樓，所以就取名「Siam 28」
Siam 28 開咗6年左右，由廚房到水吧都喺泰國人主理👨🏽🍳，將泰國地道嘅食材同家鄉菜用嶄新嘅方式呈現喺食客面前，再迎合香港人嘅口味作出調整，整出一道又一道「Thaipas」泰式小食，意思如同西班牙嘅Tapas，當然唔少得多款傳統泰菜啦😋
✝️炸女婿蛋 $79
泰國外母見到女婿嗰陣會整嘅一道傳統泰國小食，餐廳用咗鵪鶉蛋取代雞蛋🥚，
一啖一粒夠晒方便易食，外層有薄薄一層脆皮，配埋豬肉片、炸蒜片，同羅望子醬一齊食就更酸甜開胃
✝️泰北牛腩湯 $109
大推嘅泰北傳統辣湯😍，先將牛腩炆腍，再加入用咗大量泰式香料煮成嘅辣湯，包括草菇、辣椒🌶️、車厘茄、檸檬葉🌱、香茅🌿、洋蔥🧅、金不換等，
大部分食材都喺由泰國返貨，用埋青檸去提升鮮香，飲落少少嗆喉，但酸辣過癮，超級暖胃，唔太食得辣嘅人記得叫小辣喇
✝️炒鮮蝦金邊粉 $122
用咗泰國南部嘅煮法去整，金邊粉加咗茄汁、魚露、羅望子醬去炒香🔥，
口味偏甜，仲有蛋絲、豆腐乾、芽菜、韭菜等材料，外層蓋上網狀蛋皮，喺功架嘅表現😏，
鍾意重口味啲仲可以加埋青檸、花生碎🥜、辣椒粉一齊食，另外面頭有幾隻蘸咗少少泰式甜酸醬嘅鮮蝦，咬落
超級彈牙，好想食多幾隻🤣
✝️芒果煎糯米飯 $89
蘸上蛋漿拎去煎，薄薄嘅蛋漿包住金黃嘅糯米飯，食落非常煙韌軟糯，
加上椰汁同放埋超香甜芒果一齊食🥭，連埋啲芝麻香真喺無得輸，難怪基本上所有嚟到嘅客人都會叫嚟做飯後甜品依家星期一至四晚市仲做緊泰國Singha啤酒買一送一優惠🍻，不過我就唔多好飲酒，所以就叫咗杯手調Mocktail——Flower($68)，以陣陣薰衣草花香為主，帶有甜甜果香，清新易入口，仲整到漸變色層效果，啱晒一眾型男少女😜
張貼
