泰金鍋

營業中

休息中

呢間提供泰式火鍋放題，我哋揀了B餐，每位$288。火鍋湯底一人一鍋，仲有各種豐富嘅肉類、海鮮同泰式炸物/串燒選擇。一人一鍋我地揀了檸檬香茅鍋、馬來娘惹喇沙鍋。檸檬香茅鍋酸香撲鼻，帶有清新嘅檸檬香茅味，非常開胃。馬來娘惹喇沙鍋鍋底濃郁，帶有椰奶同香料嘅混合香氣，味道豐富。餐廳嘅「夾蝦王」挑戰係一大賣點，夾中指定克數嘅蝦，就可以享受全單免費或者半價優惠。呢個挑戰好好玩！套餐任食肉類方面，有美國產極選肩胛牛小排，牛小排肉質細膩，味道濃郁。澳洲產下肩胛肉眼，脂肪分布均勻。嚴選特級牛胸腹帶有肉香。特選豚梅肉質地嫩滑，味道鮮美。澳洲產草飼羊肩肉帶有獨特嘅羊香，肉質嫩滑。海鮮選擇有墨魚仔、紅皮魚柳、蟹籽墨魚滑。當中蟹籽墨魚滑彈牙，好味。另外仲有泰式炸物/串燒：雞寶、炸蝦餅、炸魚皮、炸豬皮、大蝦米網卷、豬肉雞肉串燒。自助區有蔬菜、丸類等火鍋配料。仲有海南雞飯、冬陰功湯、甜品、飲品。