影片
更多
2022-06-03
29 瀏覽
經過見到小曼谷三個字，又超想去旅行，無得去，唯有繼續味覺旅行。餐廳細細間，整潔、明亮，感覺幾好。餐牌選擇都好多嘢食，我地兩個人叫左鐵板蠔餅、串燒牛肉,雞肉,雞腎、泰皇咖哩煮青口、蒜蓉包、芒果糯米飯。好食順序係:1. 小曼谷原隻芒果糯米飯🥭🍚 $76芒果非常非常清甜；糯米飯仲係熱辣辣，十分軟糯，少少煙韌，口感好好；最正係覆蓋喺糯米飯面嘅椰漿，少少甜味令糯米飯食落就更香甜，椰漿令飯更滑。 2. 泰式蒜蓉包🧄🍞 $34無用蒜蓉醬嚟做，香草、蒜蓉、多牛油，大大片法包，焗得金黃香脆、仲好香牛油味。3. 串燒🍡 每串$19叫左雞腎、雞肉、仲有牛肉。牛肉普通d，雞肉燒完都仲算滑；最正係雞腎，唔靱，但有嚼勁，仲有小小肉汁保留到。 4. 泰皇咖喱炒紐西蘭青口🦪$110咖喱唔辣但好香，個汁夠杰身，有椰香，用嚟點蒜蓉包好夾。而青口大隻爽口。配菜嘅洋蔥、唐芹索晒d咖喱汁，如果食得落，叫埋碗白飯伴食，應該十分味美。 5. 泰式鐵板蠔餅🥘 $116襯熱食應該唔錯，蛋幾香，d蠔又漲卜卜，唔腥，整個蠔餅炸得非常鬆化。但我地食得慢，蠔餅放涼了會覺得有點太油膩，不過問侍應要了魚露酸辣汁，用嚟點這個蠔餅食，能減輕油膩感，而
餐廳細細間，整潔、明亮，感覺幾好。
餐牌選擇都好多嘢食，我地兩個人叫左鐵板蠔餅、串燒牛肉,雞肉,雞腎、泰皇咖哩煮青口、蒜蓉包、芒果糯米飯。
好食順序係:
1. 小曼谷原隻芒果糯米飯🥭🍚 $76
芒果非常非常清甜；糯米飯仲係熱辣辣，十分軟糯，少少煙韌，口感好好；最正係覆蓋喺糯米飯面嘅椰漿，少少甜味令糯米飯食落就更香甜，椰漿令飯更滑。
2. 泰式蒜蓉包🧄🍞 $34
無用蒜蓉醬嚟做，香草、蒜蓉、多牛油，大大片法包，焗得金黃香脆、仲好香牛油味。
3. 串燒🍡 每串$19
叫左雞腎、雞肉、仲有牛肉。牛肉普通d，雞肉燒完都仲算滑；最正係雞腎，唔靱，但有嚼勁，仲有小小肉汁保留到。
4. 泰皇咖喱炒紐西蘭青口🦪$110
咖喱唔辣但好香，個汁夠杰身，有椰香，用嚟點蒜蓉包好夾。而青口大隻爽口。配菜嘅洋蔥、唐芹索晒d咖喱汁，如果食得落，叫埋碗白飯伴食，應該十分味美。
5. 泰式鐵板蠔餅🥘 $116
襯熱食應該唔錯，蛋幾香，d蠔又漲卜卜，唔腥，整個蠔餅炸得非常鬆化。但我地食得慢，蠔餅放涼了會覺得有點太油膩，不過問侍應要了魚露酸辣汁，用嚟點這個蠔餅食，能減輕油膩感，而小小酸辣味同蠔餅一齊食又幾夾。
泰國菜嚟講唔算十分貴，味幾好，嚟開元朗又想食泰國菜，呢度會係唔錯嘅選擇。
小曼谷原隻芒果糯米飯
$76
1 瀏覽
0 讚好
0 留言
泰式蒜蓉包
$34
1 瀏覽
0 讚好
0 留言
張貼
