泰昌餅家 (已結業)

馬卡龍（macaron）喺法式經典甜點之一，由於佢以蛋白、糖粉及杏仁粉製成，所以又有另一個意譯嘅名稱「法式杏仁餅」，早前得食友所贈一包「法式杏仁餅」，不過唔喺邊間法式餅店出，而喺嚟自「泰昌」，只喺同名唔同性（特性）嘅餅食出品。法式杏仁餅無花無假，佢真喺叫「法式杏仁餅」，英文當然唔喺叫馬卡龍啦，而喺叫French Almond Cake，不過都喺一個頗為籠統嘅名稱。一包45克，約有20粒，粒粒輕飄飄，形狀有啲似花占餅，不過就唔喺五顏六色，成份睇包裝都主要喺雞蛋、杏仁條（點解唔喺杏仁粉或杏仁粒，而喺杏仁條呢？）、砂糖、粟粉、鹽、調味劑之類。入口首先會覺得餅身比較硬脆，乾身，食落有啲啲煙韌嘅感覺，整體杏仁味唔算好強，但內裡加入少少杏仁粒，值得加番啲分俾佢。最近搭船經過尖沙咀天星嘅分店，發覺原來仲改埋包裝，變咗膠桶裝，仲重咗好多添，有100克一罐，定價$$24。雖然唔喺正式嘅馬卡龍，但都多謝食友嘅心意！