影片
更多
2023-11-27
35 瀏覽
喺銅鑼灣上完興趣班，心血來潮想食泰菜，去咗澳門逸園中心 28 樓嗰間「Siam 28」。餐廳裝潢簡約，以橄欖綠和木色系為主調，環境闊落乾淨，侍應態度殷勤有禮，感覺溫馨舒適。點咗兩個 Set Lunch，套餐包餐湯及飲品，另外亦可以用優惠價配泰式小食、配菜及甜品。冬蔭雜菜湯用料豐富，內有玉米筍、秀珍菇、豆角和紅蘿蔔等，入口酸辣醒胃。泰式清湯新鮮熬製，順喉易入口，內有青瓜。Thaipas $22 有兩款，揀咗炸蝦餅、青木瓜沙律、燒豬頸肉同柚子沙律。蝦餅彈牙酥脆、青木瓜沙律酸酸辣辣、豬頸肉爽而不韌，而柚子沙律亦非常清新醒胃，食完大滿足～乾炒香辣香葉河粉雞 ($75) 河粉選用泰國貨，質感煙韌，而且廚師功夫到家，炒得好有鑊氣，香口又唔油膩，配上嫩滑雞肉、炸過嘅香葉同雜菇等，啖啖滋味。泰式咖喱軟殼蟹配薄餅 ($78) 軟殼蟹炸到脆卜卜，好香口。咖喱辣度啱啱好，據說呢款咖喱係用嚟炒辣蟹用，唔怪得味道比一般咖喱更濃稠，用嚟配薄餅一流。甜品點咗芒果煎糯米飯 ($28)，糯米飯㡳面都煎至金黃色，入口煙韌軟糯，以芒果和椰漿伴吃，滋味倍添！近排天氣開始有點涼意，所以飲品專登揀咗杯蜂蜜香茅茶，香茅味唔會太
喺銅鑼灣上完興趣班，心血來潮想食泰菜，去咗澳門逸園中心 28 樓嗰間「Siam 28」。
餐廳裝潢簡約，以橄欖綠和木色系為主調，環境闊落乾淨，侍應態度殷勤有禮，感覺溫馨舒適。
點咗兩個 Set Lunch，套餐包餐湯及飲品，另外亦可以用優惠價配泰式小食、配菜及甜品。
冬蔭雜菜湯用料豐富，內有玉米筍、秀珍菇、豆角和紅蘿蔔等，入口酸辣醒胃。泰式清湯新鮮熬製，順喉易入口，內有青瓜。
Thaipas $22 有兩款，揀咗炸蝦餅、青木瓜沙律、燒豬頸肉同柚子沙律。蝦餅彈牙酥脆、青木瓜沙律酸酸辣辣、豬頸肉爽而不韌，而柚子沙律亦非常清新醒胃，食完大滿足～
乾炒香辣香葉河粉雞 ($75) 河粉選用泰國貨，質感煙韌，而且廚師功夫到家，炒得好有鑊氣，香口又唔油膩，配上嫩滑雞肉、炸過嘅香葉同雜菇等，啖啖滋味。
泰式咖喱軟殼蟹配薄餅 ($78) 軟殼蟹炸到脆卜卜，好香口。咖喱辣度啱啱好，據說呢款咖喱係用嚟炒辣蟹用，唔怪得味道比一般咖喱更濃稠，用嚟配薄餅一流。
甜品點咗芒果煎糯米飯 ($28)，糯米飯㡳面都煎至金黃色，入口煙韌軟糯，以芒果和椰漿伴吃，滋味倍添！
近排天氣開始有點涼意，所以飲品專登揀咗杯蜂蜜香茅茶，香茅味唔會太搶，加上蜂蜜，清新滋潤。
龍眼茶 (+$12) 用料好慷慨，內有 10 粒龍眼肉，味道清甜，呢個天氣飲用啱晒。聽店員講餐廳遲啲會轉餐單，加入鍋物，非常期待。
張貼
