影片
更多
2022-10-01
229 瀏覽
呢間放題唔係大集團，但係放題餐廳中都小有名氣，兩年前同朋友食嘅時候好多人，座位偏窄，今次再試發現座位之間闊落咗，坐得更舒服。同朋友揀咗升級，可以食埋大閘蟹、生蠔同海膽帶子。大閘蟹唔算好大隻，但易開，蟹腳都有少蟹肉，不過主要食嘅都係蟹黃和蟹膏。生蠔size都大，以放題標準嚟講比想像中味道好，肥美鮮甜，海水味淡。海膽帶子都好鮮甜，不過記得落完單要快啲食。如果你咩刺身都食嘅話，建議落刺身拼盤，咩刺身都有，刺身種類多，有十種，整體都新鮮鮮甜，encore咗兩輪！壽司同朋友比較少嗌，只係試咗花之戀，估唔到熟食選擇都好多，例如泰式料理、泰式粉飯麵、唔同種類嘅湯，當然仲有我最愛必食嘅燒菠蘿。熟食小食有天婦羅、雞翼、豬頸肉、雞軟骨。呢款雪糕好少見，芒果食到果肉味，推薦👍👍👍
呢間放題唔係大集團，但係放題餐廳中都小有名氣，兩年前同朋友食嘅時候好多人，座位偏窄，今次再試發現座位之間闊落咗，坐得更舒服。
同朋友揀咗升級，可以食埋大閘蟹、生蠔同海膽帶子。
大閘蟹唔算好大隻，但易開，蟹腳都有少蟹肉，不過主要食嘅都係蟹黃和蟹膏。
生蠔size都大，以放題標準嚟講比想像中味道好，肥美鮮甜，海水味淡。
海膽帶子都好鮮甜，不過記得落完單要快啲食。
如果你咩刺身都食嘅話，建議落刺身拼盤，咩刺身都有，刺身種類多，有十種，整體都新鮮鮮甜，encore咗兩輪！
壽司同朋友比較少嗌，只係試咗花之戀，估唔到熟食選擇都好多，例如泰式料理、泰式粉飯麵、唔同種類嘅湯，當然仲有我最愛必食嘅燒菠蘿。
熟食小食有天婦羅、雞翼、豬頸肉、雞軟骨。
呢款雪糕好少見，芒果食到果肉味，推薦👍👍👍
張貼
