影片
更多
2018-01-26
95 瀏覽
大角咀附近其實有好多泰國食舖，呢間新開無幾耐，終於有機會試啦！我們一行三個人，一開始睇菜單，啲河粉15蚊碗，心諗有無睇錯呀，原來三點至十點係特價時段，真係好平，叫左個泰式豬頸肉冬蔭功粉，不過一分錢真係一分貨既，啲粉兩三啖就食晒，但個湯係正既，飲落好醒胃，啲辣味剛剛好。豬手飯就咁食就平平無奇，啲豬手汁就唔係好膠食落無咁濟，但將啲豬肉豬皮點左佢啲醬汁就提升左一個層次，啲醬汁係越食越辣既，慢慢滲入條脷度。瀑布豬頸肉飯呢，望落好似沙律咁將啲醃料加少少菜撈埋啲豬頸肉度咁，都係靠個汁取贏，酸酸甜甜咁，但如果食唔慣乾蔥就唔會覺得好食。最搞笑既係好檸脆雞翼，因為個名先試下，佢係將啲雞翼一開二，話有六隻其實係三隻，食落係老麥脆香雞翼新鮮脆口版，可能係啲辣汁麻痹左條脷，檸味就唔係好覺。又或者佢個名純粹搞笑無檸檬就不得而知。但佢個泰式奶茶就無茶味，好啖。珍珠冰都飲到椰汁味，都OK既。整體呢間舖都係靠醬汁最勝，環境好舒服又唔迫，但夜晚有好多吉位，擔心間野做唔住。。。。。
大角咀附近其實有好多泰國食舖，呢間新開無幾耐，終於有機會試啦！
我們一行三個人，一開始睇菜單，啲河粉15蚊碗，心諗有無睇錯呀，原來三點至十點係特價時段，真係好平，叫左個泰式豬頸肉冬蔭功粉，不過一分錢真係一分貨既，啲粉兩三啖就食晒，但個湯係正既，飲落好醒胃，啲辣味剛剛好。
豬手飯就咁食就平平無奇，啲豬手汁就唔係好膠食落無咁濟，但將啲豬肉豬皮點左佢啲醬汁就提升左一個層次，啲醬汁係越食越辣既，慢慢滲入條脷度。
瀑布豬頸肉飯呢，望落好似沙律咁將啲醃料加少少菜撈埋啲豬頸肉度咁，都係靠個汁取贏，酸酸甜甜咁，但如果食唔慣乾蔥就唔會覺得好食。
最搞笑既係好檸脆雞翼，因為個名先試下，佢係將啲雞翼一開二，話有六隻其實係三隻，食落係老麥脆香雞翼新鮮脆口版，可能係啲辣汁麻痹左條脷，檸味就唔係好覺。又或者佢個名純粹搞笑無檸檬就不得而知。
但佢個泰式奶茶就無茶味，好啖。珍珠冰都飲到椰汁味，都OK既。
整體呢間舖都係靠醬汁最勝，環境好舒服又唔迫，但夜晚有好多吉位，擔心間野做唔住。。。。。
$60
5 瀏覽
0 讚好
0 留言
張貼
