船皇 (謝斐道) (已結業)

呢間泰粉係我嘅喜愛之一，佢雖然係一間平民餐廳，但佢嘅食物質素真係超高，無論係野飲，小食，菜類定係湯麵都做到超水準，今日就等食過N次嘅我嚟介紹吓啦😏🥩澳洲和牛船麵，顧名思義裏面就只有和牛，佢哋係絕對唔會俾你外賣返去嫁，事關和牛呢一樣嘢外賣始終有影響佢嘅肉質，為保持佢嘅鮮度，想食嘅就要堂食呀👍🏻👍🏻和牛嘅肉質超爽，肥瘦均勻，唔會太熟又唔會太生，佢嘅牛味好出，配埋湯底加麵一齊食都絕配㗎😋😋另外一碗就係船皇湯米粉，船皇喎，梗係咩料都有啦，牛腩，牛肉片，牛肉丸，雞翼，雞絲，豬肉，豬肉丸，豬潤，成八款餸咁多喎，仲唔係皇😈，正所謂牛肉有牛味，豬肉有豬味，雖然每款嘅份量唔多，但佢樣樣嘢質素都高嫁😆😆係佢地既麵當中，湯底係超級濃郁，色澤濃之餘味道亦都好濃烈，佢仲可以有得揀面底，金邊粉，河粉，米粉，粗幼面都有👍🏻👍🏻，但佢每個湯麵嘅面底都係比較少都唔係太飽泰仔奶茶就梗係必叫啦，佢都有分凍同熱，因為係鐵碗嘅關係所以佢嘅冰凍程度可以維持好耐，仲要冇冰嫁😆，味道都特別濃，不過佢嘅太仔奶茶比起出邊茶記嘅奶茶係有啲唔同，唔同嘅就係比較甜同埋冇咁重茶嘅濃味，出色出色🤣🤣