金泰園 (已結業)

入青衣探完朋友，去長發商場找了一間新開的泰國菜，四個人點一個良朋好友4人餐剛剛好。A.泰式小食拼盤春卷炸得香脆，蝦餅彈牙，炸魚餅加埋香茅丁香等香料B. 地道冬蔭功湯個湯好大窩，酸酸辣辣夠地道，仲有海蝦，蘑菇等鮮料C. 泰式咖喱大肉蟹嘩，真係成隻肉蟹，而且好鮮味，肉質厚實，唔會因爲咖喱炒而交死蟹，蟹蓋仲好多膏，個蟹鉗大大隻就知道幾正啦。咖哩汁唔辣甜甜地，仲配有蒜茸包。D. 泰特色海南雞海南雞不會太多肥膏，鮮嫩。E. 馬來盞炒通菜夠鑊氣，惹味非常。F. 菠蘿海鮮炒飯一整個菠蘿上，好滿足，飯炒得乾身，粒粒呈黃色飽滿，而且用新鮮菠蘿。G. 甜品，我最愛芋頭西米糕，清甜美味。H. 飲品都有很多可以揀，珍多冰、龍眼冰、香茅冰等等。總結：呢個餐好抵食，咖喱肉蟹最正，份量足夠五位大人食。