Lemongrass (已結業)

下午係附近做完野，就揾下有咩好野食～行下奧海城，見到個門面，幾咁泰風，就吸引左我入去啦！餐廳擺設讓人感覺幾舒服，令我想去泰國D resort度假。2人的午餐，必試炒金邊～大蝦新鮮，肉質鮮甜，金邊粉炒得幾乾身，配少少chili power再將整個味覺提升～香港餐廳的泰式炒金邊平時都比較少會放chili power係旁邊。喇沙用左有2種粉面，有幼面同米粉。雖然湯底一般，但用料都幾豐富，幾隻唔同款嘅蝦、蜆等。不過以這個價錢棧說，會期望更高。好同事話泰菜必食鳳爪，我梗係舉腳贊成啦～無骨鳳爪係懶人之選＝）味道剛剛好，辣度對於只係食微辣嘅我黎講係非常適合！魷魚用來送酒係一流，不過餐廳好似冇酒飲嘅。平時好少食貴妃苗，一於試試。幾清甜，不油膩。飲品方面，不得不提，呢個柳橙薑茶正呀～成日坐冷氣地方，飲呢個可驅寒氣，幫我呢個凍人䁔胃！另外同事都幾鍾意藍蝶花個味～加左檸檬會變淺紫色架，靚～環境舒服，加埋食住泰菜，幻想自己係泰國度假有機會黎開呢頭再幫襯先！