123泰菜館

營業中

休息中

在較為荒效的元朗錦上路，即石湖塘餐廳的斜對面，開左間泰國餐廳，叫123泰菜館，装修一般的小店，大約可坐15人，而餐廳厨師似泰國人。剛剛叫左個午餐外賣，有泰式猪手飯，再加杯熱咖啡，盛惠$47。真係好驚喜！因為猪手煮得好夠味，口感幼嫩，又好juice。除了猪手，還有小許嫩綠蔬菜，白飯份量又剛剛好。而杯咖啡味道不錯，夠熱又夠味，又唔太甜。呢間鋪頭的老闆好有禮貌，而厨師都好快手，等了10分鐘就可以外賣攞走。下次可以夜晚去帮親，見到晚市餐牌的每樣餸都只是一佰幾拾元。臨走時見到餐廳側邊有3至4個免費泊位。