摩登堂 (荃灣廣場) (已結業)

虹吸式咖啡有飲過，虹吸式冬陰功真係第一次飲。冬陰功湯經過虹吸壺，到上面啲香葉、辣椒，再回流入壺，加入大湯碗入面，下面又有火滾住、香味、辣味進一步增加另外叫咗半隻去骨海南雞同埋一碟曼谷醉猫炒金邊粉，去骨海南雞都配搭三款醬：甜豉油、薑蓉、香蔥蓉，三者混合再點就特別惹味。醉猫炒金邊粉最特別係配咗個酸辣醬一齊食，比起普通Phad Thai濕潤。仲有就係佢哋嘅泰式奶茶，茶味特別濃。原來係同泰國茶飲店ZERO Degree合作，飲品特別出色。其實佢哋仲有甜品，例如刨冰、吐司等。成間餐廳都係cafe嘅裝修風格，無論食飯或者食甜品都可以嚟試吓。