影片
更多
2020-01-25
317 瀏覽
🧧農曆新年前夕好多嘢搞，同呀媽大掃除完就出觀塘，去咗活化嘅工廈Wave行年宵，順便食埋晚飯。行下行下去咗2/F嘅登堂，成層都係呢間餐廳，真係超大！最誇張嘅係坐滿哂人，勁高人氣。餐廳主要食西餐，但都有啲fusion嘢。另外，仲有酒飲，係一間酒吧餐廳🍸。餐廳仲有一個位係可以入去自己揀酒添。🦀避風塘軟殼蟹($88)，呢個用點心籠上，好吸睛。軟殼蟹好正，有兩大隻，加上有大量避風塘粒，好香口。🐷燒西班牙黑毛豬肋骨($138/half ribs)，估唔到半份份量都咁多😍，Ribs嘅BBQ煙燻醬好惹味，而且仲有薯條、烤粟米🌽同捲心菜沙律。🦑鮮魷魚意大利粉($128)，除咗魷魚外，仲有煙肉同嫩菠菜。汁就係芝士忌廉汁，幾Creamy，意粉份量好多。🍅乾蕃茄香辣上湯龍躉意大利飯($198)，呢個飯有啲重口味，同埋都幾辣🌶，要有啲心理準備。個飯幾搞笑有用玉子豆腐同絲瓜做餸。飲品方面，我要咗🍵冷泡烏龍茶蜜糖牛油果奶蓋($45)，我expect牛油味會濃啲，但其實無乜，而杯嘢亦都唔甜。我媽就要咗Pine’Art’ple($68)，呢杯正好多😋，係🍋檸檬汁同🍍菠蘿汁嘅mix，兩樣味都好出，唔錯唔錯。總括嚟講，呢餐
🧧農曆新年前夕好多嘢搞，同呀媽大掃除完就出觀塘，去咗活化嘅工廈Wave行年宵，順便食埋晚飯。行下行下去咗2/F嘅登堂，成層都係呢間餐廳，真係超大！最誇張嘅係坐滿哂人，勁高人氣。
餐廳主要食西餐，但都有啲fusion嘢。另外，仲有酒飲，係一間酒吧餐廳🍸。餐廳仲有一個位係可以入去自己揀酒添。
🦀避風塘軟殼蟹($88)，呢個用點心籠上，好吸睛。軟殼蟹好正，有兩大隻，加上有大量避風塘粒，好香口。
🐷燒西班牙黑毛豬肋骨($138/half ribs)，估唔到半份份量都咁多😍，Ribs嘅BBQ煙燻醬好惹味，而且仲有薯條、烤粟米🌽同捲心菜沙律。
🦑鮮魷魚意大利粉($128)，除咗魷魚外，仲有煙肉同嫩菠菜。汁就係芝士忌廉汁，幾Creamy，意粉份量好多。
🍅乾蕃茄香辣上湯龍躉意大利飯($198)，呢個飯有啲重口味，同埋都幾辣🌶，要有啲心理準備。個飯幾搞笑有用玉子豆腐同絲瓜做餸。
飲品方面，我要咗🍵冷泡烏龍茶蜜糖牛油果奶蓋($45)，我expect牛油味會濃啲，但其實無乜，而杯嘢亦都唔甜。
我媽就要咗Pine’Art’ple($68)，呢杯正好多😋，係🍋檸檬汁同🍍菠蘿汁嘅mix，兩樣味都好出，唔錯唔錯。
總括嚟講，呢餐食到好飽飽，差啲唔食得哂添。價錢唔平，不過勝在食物多，環境又幾好👍。
張貼
