影片
更多
2021-11-27
4482 瀏覽
10月初去咗一轉東涌Staycation，當時老友送贈咗兩套「昂平360」嘅纜車飛，仲要喺水晶車添，當然，要答謝吓佢啦。所以，今晚專登約佢食番餐飯，選址中間位嘅「朗豪坊」，大家都方便走，而餐廳就翻兜「天吉屋 」，因為兩年多前食過，有保證，餐牌面更印住連續7年榮獲日本天丼金賞獎，實力自然秤高一線。咪睇佢個鋪面細細，裡面可謂別有洞天，地方唔細，一室木系，配以和風裝潢，雅致而有份暖和感。佔大部喺卡位形式，塊間板特別高，我就頗鍾意咁嘅設計，因為私隱度相對多啲、防疫效果又好啲。翻一翻餐牌，賣嘅嘢唔多，但就夠專。菜品只有5款，但每款嘅天婦羅都有唔同配搭，定價$118-$178，而貫徹日本人做菜嘅認真，用上秘製天婦羅粉、秘製天丼醬汁、北海道七星米、自家調製柚子胡椒沙律汁。飲品方面，選擇唔多，只有幾款罐裝飲品，數款日本酒品。不過，唔多選擇都無問題，因為有牛蒡茶供應。牛蒡茶一坐低，店員就奉上一大壺自家沖製嘅牛蒡茶，近年都有唔少人興食牛蒡，據網上資料，牛蒡茶有去油膩降血脂嘅效用，夠養生，配天婦羅就啱晒啦。飲落有種獨特嘅香氣，味道回甘順喉，感覺幾舒服。椰菜沙律所有菜品都會包埋牛蒡漬、蘿蔔漬、椰菜沙律及麵豉湯
咪睇佢個鋪面細細，裡面可謂別有洞天，地方唔細，一室木系，配以和風裝潢，雅致而有份暖和感。佔大部喺卡位形式，塊間板特別高，我就頗鍾意咁嘅設計，因為私隱度相對多啲、防疫效果又好啲。
翻一翻餐牌，賣嘅嘢唔多，但就夠專。菜品只有5款，但每款嘅天婦羅都有唔同配搭，定價$118-$178，而貫徹日本人做菜嘅認真，用上秘製天婦羅粉、秘製天丼醬汁、北海道七星米、自家調製柚子胡椒沙律汁。
飲品方面，選擇唔多，只有幾款罐裝飲品，數款日本酒品。不過，唔多選擇都無問題，因為有牛蒡茶供應。
牛蒡茶一坐低，店員就奉上一大壺自家沖製嘅牛蒡茶，近年都有唔少人興食牛蒡，據網上資料，牛蒡茶有去油膩降血脂嘅效用，夠養生，配天婦羅就啱晒啦。飲落有種獨特嘅香氣，味道回甘順喉，感覺幾舒服。
椰菜沙律所有菜品都會包埋牛蒡漬、蘿蔔漬、椰菜沙律及麵豉湯。先上咗個沙律，椰菜切得幼細、粗幼一致，淋上自家調製嘅柚子胡椒沙律汁，柚子味極之突出，微微酸，椰菜絲食落又冰涼爽口而多汁，更可晌中途食天綿婦羅時，又食啲椰菜絲，中和一吓啲油膩感。
牛蒡漬、蘿蔔漬兩種漬物就放晌枱上嘅小瓦樽，自由取用，晌等候天丼期間又食啲，食緊天丼時又再食啲。牛蒡漬口感軟軟哋，又爽爽哋，食落仲有種蔘味；蘿蔔漬就酸香脆爽，作為食天婦羅嘅間場清一清味蕾就最好不過。
麵豉湯家家所做嘅味噌汁都有所分別，「天吉屋」嘅絕對喺料多，雖然影相唔覺，但其實湯中有好多清甜嘅蘿蔔、嫩滑嘅豆腐，而湯嘅本身，麵豉味甚濃香，飲得出用料不賴。
順帶一提，各類天丼所包嘅海紅鯛，都已經無料升級為石斑魚，真喺誠意十足。
天吉丼 $128老友就無揀個最貴嘅天丼，都只喺揀咗「天吉丼」，佢話已經好足夠。的確，捧到嚟真喺堆滿一碗都喺天婦羅，非常豐富，包括黑虎蝦、魷魚、石斑魚、茄子、南瓜、四季豆、炸紫菜同溫泉蛋。老友笑住講啲餸多過飯，而且，佢仲話啲天婦羅真喺好正，香脆不膩，樣樣都好好食。
All Star丼 $128小弟細閱5款菜品，覺得呢一款包嘅嘢最多，有黑虎蝦、石斑魚配紫蘇葉、軟殼蟹、魷魚，什錦炸物（洋蔥夾櫻花蝦）、雞肉、茄子、南瓜、四季豆同溫泉蛋，但定價又唔貴，性價比高。今次就唔逐樣寫，但黑虎蝦喺孖條「雙蝦」炸法，一口過咬兩件蝦，自不然有份雙倍滿足感；石斑魚配紫蘇葉嘅組合，意外咁好食；而溫泉蛋外層脆口，裡面就流晒心。當然，用上北海道七星米，有米香，又黏糯，就算只喺醬油撈飯都正啲啦！
時隔兩年多再嚟，都無失望，用料、製作都保持水準，啲店員招呼又好、又有禮貌，真喺連續獲獎都唔喺靠講運。不過，最緊要喺老友食得讚賞有嘉、稱心滿足。依位老友亦喺我哋班「死佬」之一，呢幾年我哋之間因錢銀問題經歷咗好多變化，有啲死佬仲保持到聯繫，實在喺一份情誼，要好好珍惜，活在當下！
張貼
