金鶴拉麵 (荷李活道) (已結業)

今日逛完大館就係蘇豪區搵食，目標鎖定荷李活道嘅「金鶴拉麵」，此店招牌菜「雞白湯拉麵」高質好食，材料和做法與「座X」有九分相似，都係我經常翻食嘅拉麵之一，今次我就柯打咗該店的另一招牌菜「活燒蒲燒鰻魚飯」，佢標榜即叫即燒。約20分鐘左右，前菜、昆布清湯、鰻魚飯就一齊送到。1.芥辣八爪魚.鮮辣兼備，清新開胃。🙂2.昆布清湯. 湯嘅材料有昆布、鰻魚骨、竹筍、本菇、大蔥，清甜好飲。😊3.蒲燒鰻魚飯.鰻魚肉夠厚，燒得魚皮香脆，魚肉鮮美多汁，白飯粒粒分明，柔滑好食。👍4.抹茶軟凍.餐後甜點，完美句號。🙂小總結：鰻魚夠晒厚肉冇骨，即叫即燒，皮脆肉鮮、白飯柔滑香軟加埋炒香嘅白芝麻。😋真係比同區炭燒鰻魚名店「炭X」嘅鰻魚飯優秀得多。😬