影片
更多
2023-12-13
40 瀏覽
好少可lunch time走去食鐵板燒🤣呢日心思思想放lunch食得豪啲😎就去到中上環中間呢間新開嘅鐵板燒，嚟個龍蝦鐵板燒二人前。身處於商廈入面嘅餐廳環境高檔，有魚缸養住活龍蝦🦞午市鐵板燒比起晚市平一半🤑但份量同用料毫不輸蝕，係附近返工嘅人都可以試試👍🏻沙律龍蝦龍蝦烹調之前依然跳跳紮好生猛🤪龍蝦肉非常新鮮爽彈，味道鮮甜😋沾滿用龍蝦膏、龍蝦肉以及洋蔥熬煮而成嘅醬汁，帶龍蝦膏嘅香氣以及微微清新酒味😛😛鵝肝煎嘅時候香味滿溢，入口甘香，不過較細塊。清酒煮蜆蜆肉煮至僅熟，好鮮甜嫩滑。湯汁酒味不濃，比較清甜😙😙美國牛肉厚燒及薄燒牛肉質素非常好，亦煎得剛剛好😋😋厚燒個款肉質爽彈，中心位好嫩好juicy💦薄燒包裹蔥、蒜、洋蔥，喜歡將配料煎得夠熟，食落帶清爽感覺又唔會太辛辣太重口味👍🏻👍🏻炒飯、麵豉湯、炒野菜炒飯加上鹹菜夠惹味，連埋燶邊煎蛋嘅蛋汁，簡單好食。麵豉湯用一開始嘅龍蝦頭去煮，吸睛度十足👀甜品仲有焦糖多士作結，脆卜卜焦糖好邪惡😈人均消費：$750推介指數（10分為滿分）：7.5分
沙律
龍蝦
龍蝦烹調之前依然跳跳紮好生猛🤪龍蝦肉非常新鮮爽彈，味道鮮甜😋沾滿用龍蝦膏、龍蝦肉以及洋蔥熬煮而成嘅醬汁，帶龍蝦膏嘅香氣以及微微清新酒味😛😛
鵝肝
煎嘅時候香味滿溢，入口甘香，不過較細塊。
清酒煮蜆
蜆肉煮至僅熟，好鮮甜嫩滑。湯汁酒味不濃，比較清甜😙😙
美國牛肉厚燒及薄燒
牛肉質素非常好，亦煎得剛剛好😋😋厚燒個款肉質爽彈，中心位好嫩好juicy💦薄燒包裹蔥、蒜、洋蔥，喜歡將配料煎得夠熟，食落帶清爽感覺又唔會太辛辣太重口味👍🏻👍🏻
炒飯、麵豉湯、炒野菜
炒飯加上鹹菜夠惹味，連埋燶邊煎蛋嘅蛋汁，簡單好食。麵豉湯用一開始嘅龍蝦頭去煮，吸睛度十足👀
甜品
仲有焦糖多士作結，脆卜卜焦糖好邪惡😈
人均消費：$750
推介指數（10分為滿分）：7.5分
張貼
