Oscar Bakery (已結業)

榛子流心牛角酥($18)食完飯經過太子，見到間新開既麵包店，咦又有芝士撻，但要低糖添喎！又好吸引添，司令即刻諗都唔諗，買左個芝士撻旁邊既牛角酥😂，冇計啦最近食太多芝士撻啦嘛。榛子味又係抗拒唔到既味道，因為冇配榛子既好朋友朱古力，所以食落唔太甜，反而突出到榛子本身既香味，但因為凍左，所以已經唔太流心，不過榛子餡仍然係爆曬出尼啊😍！牛角包雖然唔熱，但食得出酥皮鬆化，咬開都見到一層一層既皮。另外除左榛子，仲有藍莓味可以揀。唔知店家會唔會考慮加返個保溫既爐呢？相信可以更好咁保持質素。