반찬앤쿡 Banchan and Cook (時代廣場) (已結業)

放假約朋友嚟時代廣場行街順便食晚餐，平時最鐘意就係食蛋包飯，呢間一定唔會錯過。燒醬油黑毛豬白切肉配大醬生菜黑毛豬肉質厚實，用紫蘇葉包住嚟食就比較香，生菜則比較fresh同爽脆。清爽番茜炸雞番茜同芫茜唔一樣，芫茜味道比較強烈，番茜就相對地清爽少少，較易入口。整成醬汁淋係香脆既炸雞上，味道好夾。牛肝菌蛋包飯用刀係蛋包飯中間向尖端切開，入面流心既蛋漿向左右兩邊散開，打卡真係一流。番茜海鮮蛋包飯番茜清新既味道同蛋包飯好襯。海鮮分別有青口、八爪魚、鮮蝦等，用料夠哂豐富。烤朱古力綿花糖個底鋪左消化餅碎，上面烤熱左既綿花糖可以拉到絲，最頂鋪滿朱古力碎，真係既邪惡又吸引！清新香橙綠茶沙冰橙汁、綠茶同沙冰都成日飲，無諗過夾埋一齊飲係咁清爽，既有橙汁既酸甜開胃，又有綠茶既餘韻。荔枝梳打荔枝既味道好突出，入面仲有原粒既荔枝果肉。