睡飽吃吃

營業中

休息中

睡飽吃吃係網店流浪甜點工作室嘅實體店，主要賣各種口味嘅巴斯克蛋糕、戚風蛋糕，仲有芋圓甜品、台式飲品。裝修採用柔和嘅黃燈，懷舊木系裝修，有種台南小店嘅感覺。*之前上網訂過芝麻豆腐花生麻糬，第一啖感覺係好強！個人覺得比巴斯克更強。戚風蛋糕體鬆軟、濕潤，第二日食都保持到水準，紅棗味相當弱。黑芝麻忌廉好濃好滑，豆腐夾心豆味香濃，有啲似奶凍。牛奶麻糬鋪面，煙韌似湯圓，加大量花生粉喺表面，有種台灣味啊！巴斯克芝士蛋糕中間軟心，質地濃稠順滑，外層比較挺身，似紐約芝士蛋糕。味道上，芝士味、奶味都比較薄弱，係蛋糕嘅口味更突出。同區其實都有另一個主攻巴斯克蛋糕嘅網店/實體店，兩者明顯走兩種唔同嘅路線。西西里島開心果巴斯克 $68開心果味比想像中濃，有明顯嘅果仁香。感覺除咗開心果，仲有少少其他果仁味。口感上有少少單調，多啲果仁碎會更豐富。星野抹茶巴斯克配草莓cream $68抹茶超級濃，濃得嚟唔會苦澀，淡淡回甘，配士多啤梨忌廉好夾。蜜樹博士茶 $45每人最低消費一杯飲品，所以一定要叫，就係熱水+茶包，兩個字：普通。