漁獲浜燒 (已結業)

漁獲浜燒一向大獲好評，最新轉戰九龍區，落戶尖沙咀食街 — 厚福街的H8 11樓，裝修同整體感覺與銅鑼灣主店差唔多，可以話倒模一樣。特製黑松露灸燒平目魚邊沙律 (138) - 沙律菜以黑松露及醋調味，味道都幾rich幾濃郁，一啲都唔覺得單調，而醋同松露比例夾得幾好，酸甜且香。平目魚邊擁有極重嘅魚脂，油香豐富，入口即時溶化。波士頓龍蝦 (388) - 雖然波士頓龍蝦唔系特別高級嘅食材，但系以浜燒形式即燒即食，又確實系幾高級嘅享受，畢竟高級龍蝦有機會索價$600或以上，預算低啲已經系唔錯嘅選擇。龍蝦爆曬膏，味道非常香甜可口，一啲苦澀味都無，邪惡得黎令人想一食再食。至於龍蝦肉質爽實，味道鮮甜而有豐富肉汁，以波士頓龍蝦黎講，算系幾好食。(雲丹)海膽手卷 (98) - 海膽幼滑非常Juicy，味道亦很鮮甜，相當高質，但切記要盡快享用，以免紫菜變淋。河豚鍋 (388) - 湯底以河豚骨、昆布及鰹魚肴成，味道鮮甜濃郁，將雜菜及菇菌等一齊煮，款式及味道都有啲似日式壽喜燒。至於河豚肉系整鍋嘅精華，平常亦較少餐廳有提供，河豚嘅肉質爽實，非常有彈性，味道都幾鮮甜特別。