螢火

尖沙咀有間天燈主題鐵板燒成日喺OpenRice都見到，午市無論係Omakase套餐或者鐵板燒套餐都係人均$400左右，而且午市仲做緊90分鐘清酒任飲，都幾抵食！如果係一大班朋友一齊過嚟嘅話仲有包廂可以坐～佢哋嘅天燈玩法都幾有趣，可以喺iPad度自己設計天燈嘅款式，跟住喺螢光幕到展現出嚟～每款午市套餐都會包沙律、味噌湯、甜品～我揀咗星套餐～北海道帆立貝兩面煎得金黃，配有黑魚籽，肉質柔軟😍大蝦嘅擺盤好靚，肉質結實彈牙，加咗蝦膏汁🤤蝦頭都處理得好好，可以好方便食到入面嘅蝦膏！白雪魚煎得好香，魚皮煎到好脆，底部配有洋蔥湯～洋蔥湯鮮甜，配埋魚肉好夾！食完海鮮之後仲可以食牛肉或者日本黑毛豬～平時鐵板燒嘅牛肉就食得多，所以就試吓佢哋嘅黑毛豬！佢哋嘅煮法好特別，係櫻花木煙燻黑毛豬～呢個煮法令到豬肉特別Juicy，而且咬入去已經感受到煙熏香氣😚廚師仲配咗練梅醬，酸酸甜甜，別有風味！之後仲有櫻花蝦炒飯，炒得好有鑊氣，色香味俱全～而且仲煎咗隻太陽蛋，可以將炒飯同蛋汁撈埋一齊食🫶🏻最令我意想不到嘅係鐵板燒都可以食到黑松露意粉！！！而且黑松露味超香，比外面普通嘅Cafe好食好多🫰🏻食完晒所有主菜之後，食埋紅豆雪