影片
更多
2019-03-18
2831 瀏覽
一年一度嘅萬惡情人節又到喇，相信依一日會係好多男朋友苦惱嘅日子，又花又禮物又貴飯都咪話唔傷。我當然都想同男朋友去浪漫慶祝一番啦，所以男朋友就千挑萬選左依一間餐廳 ─ Quayside。地理位置黎講佢唔係好方便，雖然話係灣仔，其實就由金鐘地鐵站穿政總同中信大廈行過去會比較易搵路，地圖上黎講就係演藝後面嘅分域碼頭。當晚人少少咁慢慢行過去餐廳，吹少少風咁都幾浪漫架。去到餐廳門口，見到個門面都幾四正，係有啲灣仔餐廳酒吧嘅感覺，望入去比較暗有啲氣氛。餐廳分左3個sections，門口大梳化位，入面正常餐廳位同室外。雖然坐室外都望唔到個維港海景，但係會有少少遠處嘅大廈景望到。情人節食指定set都預左架喇，今日依間都唔例外。情人節set有餐包、餐湯、一份大凍肉拼盤、2份主菜同甜品，依間餐廳真係偏西式，係無餐飲架。蘑菇湯好足料，都有足夠香味，飲落仲有啲蘑菇蓉，唔會好稀。凍肉拼盤無咩特別，就係好正常嘅凍肉頭盤，火腿、莎樂美腸、煙三文魚、沙律菜同芝士。我同男朋友最鍾意係藍芝士，平時好少食，初初怕會好濃味，不過同啲三文魚一齊食又幾好味喎😋主菜我地分別叫左海鮮+魚同Ribeye，魚同配飯都比較乾身，雖然有汁配
去到餐廳門口，見到個門面都幾四正，係有啲灣仔餐廳酒吧嘅感覺，望入去比較暗有啲氣氛。餐廳分左3個sections，門口大梳化位，入面正常餐廳位同室外。雖然坐室外都望唔到個維港海景，但係會有少少遠處嘅大廈景望到。
情人節食指定set都預左架喇，今日依間都唔例外。情人節set有餐包、餐湯、一份大凍肉拼盤、2份主菜同甜品，依間餐廳真係偏西式，係無餐飲架。
蘑菇湯好足料，都有足夠香味，飲落仲有啲蘑菇蓉，唔會好稀。
凍肉拼盤無咩特別，就係好正常嘅凍肉頭盤，火腿、莎樂美腸、煙三文魚、沙律菜同芝士。我同男朋友最鍾意係藍芝士，平時好少食，初初怕會好濃味，不過同啲三文魚一齊食又幾好味喎😋
主菜我地分別叫左海鮮+魚同Ribeye，魚同配飯都比較乾身，雖然有汁配，但係個汁味道怪怪地，又唔純粹係忌廉汁嘅味，我自己唔太喜歡。
男朋友嘅牛上枱嘅時候靚仔對版，可惜比要求嘅medium 熟，而且多筋，食到後段男友都放棄左喇😫 值得一讚係啲配菜幾好食。
甜品分別有泡乎同朱古力蛋糕，咁就不過不失啦。最好味係泡乎配嘅雲呢嗱雪糕😂Service黎講，我唔知到底係因為當日情人節爆場所以好忙，還是佢每一份餐都超用心製作，我地每一道菜中間都等半個鐘，可能佢原意係好，可以俾情侶慢慢傾計，又唔會趕人交枱，結果我地餐飯由七點幾食到十點。😥 本身計劃再去周圍行下都無晒時間。
另外本來男友係book枱時request我份甜品嘅碟邊要寫「Happy Valentine’s Day 」，餐廳都無左件事。男友難得偶而一次嘅浪漫驚喜咁就無左喇😅
張貼
