柏斯意大利餐廳 (已結業)

平時返工係粉嶺都唔知有乜嘢好食，經過見到有間餐廳裝修好華麗好靚，位於一間中學嘅對面角落頭位置地舖，叫做「柏斯意大利餐廳」，我哋兩個人就入咗去試吓。餐廳燈光昏暗，每一張枱都點咗蠟燭，感覺好浪漫。我哋兩個人就被安排坐四人枱嘅位置，仲要係窗口位，可以一邊望風景，一邊嘆西餐。除此之外，餐廳門口可以泊車，非常方便。餐牌中有「晚市套餐」，有六款主菜可以供客人選擇，我哋兩個人就分別點左「炭燒美國安格斯肉眼」同埋「炭燒澳洲羊鞍」套餐。首先嚟兩個餐湯，精選是日餐湯就係「南瓜忌廉湯」，賣相好吸引，飲落去每一啖都有南瓜碎，果然落重料，咩道好Creamy，唔夠一分鐘就飲晒了。主菜先後嚟咗，「炭燒美國安格斯肉眼」有八安士重，賣相好吸引色，彩繽紛，配菜有青椒、紅椒、秋葵同埋炸蒜頭等等，而牛扒上面有炭燒嘅條紋，遠處都聞到燒牛肉嘅香味，我哋叫咗七成熟，切落去中間係粉紅色，食落去口感比較軟，唔會好難咬，滿口都係新鮮牛肉味道，正。而我朋友就叫咗「炭燒澳洲羊鞍」，賣相一樣好吸引！是日精選甜品就係「熱情果芝士蛋糕」，配搭左唔同嘅水果粒，包括紅莓、士多啤梨同埋藍莓等，芝士蛋糕配埋脆卜卜嘅朱古力粒粒OREO食，更有唔同嘅口感，而