Potluck Eatery

✨周四放工同老婆揀咗尖沙咀柯士甸道136-138號金門商業大廈地舖嘅 Potluck Eatery，享受一餐浪漫嘅西餐之夜。✨首先嚟個忌廉磨菇餐湯配蒜蓉包🥖，每客$48。湯底濃郁，磨菇味道十足，加埋蒜蓉包，一啖濃湯，一啖香脆蒜包，真係暖胃之選。✨跟住試咗菠菜煙三文魚Pizza🍕，價錢$188。Pizza嘅餅皮薄脆，芝士🧀香濃，煙三文魚同菠菜嘅味道配搭得剛剛好，好滋味。✨重點推介係西班牙烤乳猪1/4，$268。乳猪皮脆肉嫩，香味撲鼻，食落去啖啖汁，真係一食難忘。呢份乳猪分量足夠兩個人share，非常飽肚。✨飲品方面，點咗兩杯熱生姜蜜☕，每杯$35。呢杯飲品甜中帶微辣，飲落感覺好暖胃，特別適合晚餐後飲返杯。✨最後品嚐泡沫咖啡慕斯蛋糕🥧，$56。蛋糕口感滑溜，有濃濃嘅咖啡香味，又唔會太甜，完美嘅甜品。