La Taverna

營業中

休息中

今晚同朋友黎左呢間好有異國風情既意大利餐廳晚飯！餐廳位於亞士厘道盡頭，門口已經好令，餐廳入面要落一層，裝修浪漫，有不少外國人o係度食野。我地先點左一份吞拿魚他他配辣牛油果醬。前菜黎講份量都幾多，吞拿魚配辣牛油果醬幾惹味，唔錯。之後點左一份手做扭繩粉配手撕雞及羅勒青醬，呢個意粉好特別，係自家制既扭繩粉，外表似銀針粉，口感有咬口而且煙韌，個sauce好香好rich, 配手撕雞同脆口既松子幾有創意。主菜點左慢燉羊小腿，羊小腿煮得好淋好入味配左薄荷乳酪做汁，食落無咁膩。最後甜品點左食意大利菜必食既Tiramisu, 賣相好令，Tiramisu好軟滑，有濃郁既咖啡酒香。整體呢度環境浪漫，好岩情侶黎。