影片
更多
2019-12-14
179 瀏覽
紀念日當然要好好慶祝下, 男朋友一早訂左枱黎Notte食飯, 我都唔知原來銅鑼灣有間咁特別既餐廳, 上到去見到三度房門, 原來餐廳就係三間獨立房間, 房外只係廚房同埋店員使用, 成餐飯只會見到店員落order同上菜, 由頭盤同甜品, 店員會留意住時間, 見我地食完一個dish就會黎收碟上下一道菜, 而且時間掌握得好好, 好細心房既燈光昏暗, 對住維港夜景, 整晚都覺得好浪費又好有私人空間今晚揀左4 course既晚餐, 首先上左餐包先, 有兩款麵包分別係帶甜帶咸既, 我就中意甜個款夾雜住好多唔同類既果仁同乾果, 有咬口味道又好, 重點係仲有自家製松露牛油同松露蜜糖, 黑松露fans既我即刻心心眼, 牛油本身既香滑加埋黑松露實在太好味日本頂級鮑魚伴醬油汁Braised Japanese Top-Grade Abalone(with Japanese Sauce)鮑魚用上金泊點綴, 感覺好高貴, 主角頂級鮑魚好鮮味彈牙, 沾少少醬油汁可以將鮮味再提昇香煎北海道帶子配粟米蓉Pan Seared Hokkaido Scallop(Sweet Corn Puree)帶子煎得好靚好靚, 表面完全金
今晚揀左4 course既晚餐, 首先上左餐包先, 有兩款麵包分別係帶甜帶咸既, 我就中意甜個款夾雜住好多唔同類既果仁同乾果, 有咬口味道又好, 重點係仲有自家製松露牛油同松露蜜糖, 黑松露fans既我即刻心心眼, 牛油本身既香滑加埋黑松露實在太好味
日本頂級鮑魚伴醬油汁
Braised Japanese Top-Grade Abalone(with Japanese Sauce)
鮑魚用上金泊點綴, 感覺好高貴, 主角頂級鮑魚好鮮味彈牙, 沾少少醬油汁可以將鮮味再提昇
香煎北海道帶子配粟米蓉
Pan Seared Hokkaido Scallop(Sweet Corn Puree)
帶子煎得好靚好靚, 表面完全金黃, 內裡juicy嫩口, 有大師級水準伴有三文魚籽同櫻花蝦, 成道菜都係鮮味既配搭, 感覺大廚有細心design過
蟹肉粟米湯 Daily Soup
面頭既蛋白泡沫拌勻後飲落香滑, 有蟹肉絲同粟米既香甜。
黑松露野菌意大利麵
我梗係揀有黑松露既course啦, 香氣撲鼻濃郁, 意粉軟硬適中每條都沾有黑松露香味, 仲有大大隻既香菇
蜜糖烤焗法國黃油春雞
Honey Roasted France Yellow Spring Chicken(Thyme and Garlic Gravy)
春雞細隻但勝在嫩滑, 皮位又薄又脆, 無乜脂肪但又有雞既油香味, 好juicy另外配有唔同款煎過既野菜, 賣相立即靚左好多。
Daily Surprise
今日既甜品係紅莓cake, 微酸又軟滑, 仲有呍呢嗱雪糕, 夜景下好sweet好浪漫呀
依度真係好適合浪漫一番, 無論生日紀念日都好, 原來黎緊聖誕仲有Special Menu, 我地都計劃係度book枱再浪漫下, 真係一間好有情調又細心既餐廳
張貼
