滿屋廚房 (已結業)

一聽到滿屋呢個名，就好自然聯想到浪漫滿屋，其實呢個名都幾啱間餐廳，因為餐廳內有唔同嘅公仔擺設，感覺都幾warm。食物方面好多元化，首先前菜黎個煙三文魚凱撒沙律，都幾大份。之後有招牌喇沙麵，湯底好似好紅咁，不過食落唔會好辣，重椰香，豆卜索晒個湯底好好食👍🏼墨西哥餡餅有得揀唔同嘅餡料，我哋就揀咗雜菌。我好鍾意食雜菌，呢個餡餅入面嘅雜菌超多，啱晒我！仲叫咗個抺茶紅豆雞蛋仔配朱古力醬做甜品👍🏼紅豆有好多，唔點朱古力醬都好夠甜，另外每一粒雞蛋仔都有公仔造型，啱晒用嚟氹小朋友😀呢度仲有bless嘅冷壓果汁飲，正呀！我就飲咗淺色嗰支，有菠蘿、雪梨同檸檬，一啲都唔酸，飲完即刻覺得健康左😂