影片
更多
2012-10-06
471 瀏覽
嘆完「松記糖水」, 就慢慢散步去「Antipasto」...今日天氣都幾清涼, 餐廳嘅落地玻璃摺門打開晒, 感覺好歐陸Feel, 好舒服, 一D都唔焗促...枱上除咗有Candle Light Dinner必備嘅Candle, 仲有意大利菜必備嘅橄欖油同黑醋, 紅酒係裝飾o架咋, 唔好亂咁拎o黎飲呀, 要收錢o架!!! 最讚係... 有2支新鮮玫瑰花, 一紅一白, 好浪漫呀!!!餐前麵包 (Free) -- 麵包香軟有麥味, 點橄欖油同黑醋食, Yummy!!! 如果係暖嘅就更加Perfect...Lime Soda 青檸梳打 ($30) -- 餐廳係冇免費茶水供應, 與其7十幾8十蚊Share 1支750ml嘅礦泉水o黎飲, 不如叫3杯Soft Drinks仲化算, 計落差唔多價錢咋嘛... 青檸梳打味道清新又唔會甜, 豐富嘅氣泡一洗頹氣, 精神為之一震... 我地仲Order咗可樂同凍檸茶...Antipasto Misto 雜錦意大利拼盆 ($109) -- 個碟超大, 放咗佢張枱已經冇晒位... 你地睇吓碟邊隻叉就知, 隻叉唔係甜品叉, 而係最大Size果種... 睇真D...
今日天氣都幾清涼, 餐廳嘅落地玻璃摺門打開晒, 感覺好歐陸Feel, 好舒服, 一D都唔焗促...
枱上除咗有Candle Light Dinner必備嘅Candle, 仲有意大利菜必備嘅橄欖油同黑醋, 紅酒係裝飾o架咋, 唔好亂咁拎o黎飲呀, 要收錢o架!!! 最讚係... 有2支新鮮玫瑰花, 一紅一白, 好浪漫呀!!!
餐前麵包 (Free) -- 麵包香軟有麥味, 點橄欖油同黑醋食, Yummy!!! 如果係暖嘅就更加Perfect...
Lime Soda 青檸梳打 ($30) -- 餐廳係冇免費茶水供應, 與其7十幾8十蚊Share 1支750ml嘅礦泉水o黎飲, 不如叫3杯Soft Drinks仲化算, 計落差唔多價錢咋嘛... 青檸梳打味道清新又唔會甜, 豐富嘅氣泡一洗頹氣, 精神為之一震... 我地仲Order咗可樂同凍檸茶...
Antipasto Misto 雜錦意大利拼盆 ($109) -- 個碟超大, 放咗佢張枱已經冇晒位... 你地睇吓碟邊隻叉就知, 隻叉唔係甜品叉, 而係最大Size果種... 睇真D... WoW... 好多款頭盤呀!!! 一次過最少滿足你5個願望呀!!! 大家唔使心急, 等我介紹吓先... 咳... 有釀焗燈籠椒、巴馬火腿、煙三文魚、莎樂美腸、什錦橄欖... 沙律菜入面居然仲有白蘆筍(Asparagus)添?!!!
釀焗燈籠椒--好甜呀D燈籠椒, 釀焗咗之後就軟熟咗同Juicy咗, 好好味...
巴馬火腿--都唔錯喎, 有豬肉嘅香味, 唔太鹹... 最鐘意佢呢隻豬唔係太多肥膏...
煙三文魚--三文魚好肥美呀, 口腔充斥三文魚嘅油香同煙燻嘅香氣, 好味呀...
莎樂美腸--原味莎樂美腸, 沒有加太多花巧, 豬味較淡, 味道都可以呀, 唔太鹹...
什錦橄欖--黑橄欖味道都好OK...
Insalata Australiana 澳洲沙律 ($99) -- 好清新嘅沙律呀!!! 蔬菜新鲜爽脆, 配上白醋沙律汁, 酸酸地開胃又健康, 好味呀!!! 雞胸肉烤得好香口冇油又健康... 以前唔太好牛油果, 但係佢嘅牛油果真係幾好食, 好幼滑, 同雞蛋一齊食更加香...
BBQ Baby Spare Ribs 風味燒豬仔骨 ($179) -- 食食吓我同朋友都讚呢間餐廳d o野又好食d料又靚, 價錢仲要咁經濟, 真係可以再o黎... 另一位朋友聽見我地咁講, 仲估呢碟豬仔骨起碼要3舊水... 我同佢講話唔過200蚊時, 佢都O晒咀... 豬仔骨燒得又香又Juicy, BBQ醬甜甜地, 好好味!!! 份量一D都唔細, 食極都食唔完, 好爽呀... 薯角雖然好熱氣, 不過好好味!!!
Seafood Delight 海鮮什錦大會 ($115) -- 意大利海鮮薄餅, 材料勁豐富!!! 有蝦、帶子、青口、三文魚、烏賊、三文魚、紅椒片... 全部都好新鮮, 醬汁都好好味, 讚!!! 餅底係我最鐘意嘅薄批, 唔係"PIZZA黑"果種, 人地係真係歐陸式餅底, 同我係巴黎食過嘅一樣, 集薄軟脆於一身, 好懷念...
食食吓, 我擰轉身影相... 朋友好驚咁問我影咩, 可能以為我撞邪, 哈哈哈哈... 我同佢講影吓現場自彈自唱表演者, 佢碌到對眼好大咁話以為係播碟呀, 完全唔知道係Live Show!!! 因為佢嘅歌聲實在太完美!!! 後來佢仲用廣東話唱咗幾句「我的驕傲」, 好利害呀!!! 佢身邊張枱上面有個酒杯貼咗張Tips嘅貼紙, 我地比咗20蚊Tips!!!大約表演咗1個鐘左右佢就收工, 原來佢剩係星期四先會係呢度表演, 我地真係好好彩呀!!!
環境極之適合想談心嘅情侶, 如果撞啱星期四有Live Show就更浪漫!!! 我遲吓都可以帶Honey o黎試吓!!!
服務又唔係好似d網友講到咁差, 係就係慢少少, 但係同歐洲比較, 已經算係好快!!! 歐洲d餐廳真係好慢o架!!!
唯一美中不足嘅係, 全晚d梳化都係吉嘅, 都唔比我地坐!!! 只係比2張最差嘅枱我地揀... 我背脊係水吧, 真係好驚D玻璃杯碌落o黎爆我頭...
訂位同落單都要用英文, 埋單時有個西方人走埋o黎搭訕派卡片, 原來佢係教Phonics嘅!!! 查實唔知係咪因為服務員同經理問我地好唔好食時, 我地都只係答Nice、Great之類嘅單字, 所以令對方以為有推銷嘅空間呢... 查實就算去食中餐, 我地都只會答幾好呀、唔錯呀之類嘅簡單答案, 絕對唔會同陌生人風花說月!!! 而且今晚2個飲食拍拿都係飲鹹水大嘅中國人, 又何需再學Phonics呢... 你地搵錯對象啦!!!
張貼
