The Pearl

加連威老道有間新酒店，原來酒店入面有間西餐廳裝修得好靚，朋友約喺呢度食飯，先知有呢間西餐廳，我地就簡咗煙三文魚芝士卷,個擺盤好精緻，煙三文魚夾住芝士,露荀同海帶，上面仲鋪滿好多蟹子，一啖食落去個口感好得意，有脆卜卜嘅蟹子，好creamy嘅芝士同咸咸地嘅煙三文魚，唔錯。香煎北海道帶子，d帶子都幾大粒，粒粒煎到表面焦焦香香，入面仲好嫩滑，點埋佢地嘅醬汁一齊食，好夾。烤澳洲羊西冷，烤得啱啱好，唔會過熟，食落肉質仲好juicy,唔會太乾，肉味都好濃。燴澳洲牛面頰，燴到牛面頰非常淋，完全入晒味，佢仲配埋牛肉薯餅，個薯餅炸到脆卜卜，入面d薯蓉加埋d牛肉碎，幾好食。叫咗2杯Mocktail,2杯都好精緻，好靚First night，係熱情果加提子汁，酸酸甜甜好開胃。First kiss,係玫瑰花茶加蘋果汁，飲落清清地唔太甜。