糖朝 (已搬遷) 新店位置

晚上與朋友到海港城晚飯, 飯後想搵個地方食甜品, 諗起糖朝.八點幾大約七成滿, 不用等位就可入座.據講豆腐花為招牌菜之一, 於是點個楊枝金露拼豆腐花 - 出奇地食落楊枝金露完全不覺甜(NB: 本人平時飲凍檸茶都走甜), 豆腐花都幾滑兼有豆味, 相信熱食會更正; 但兩款一齊食好似不太夾... 至於個乾冰煙霧賣相夠特別,個人覺得用於一兩款甜品增加視覺效果幾好, 但有無必要款款西式甜品都用呢??楊枝金露拼雪糕 - 覺得拼雪糕較拼豆腐花好.湯丸 - 繼乾冰後又一賣款甜品, 味道OK略嫌湯丸皮太厚.網上其他食評提到服務質素問題, 是次幫襯我無問題; 總括來講都OK.