Chatterbox Café (圍方)

營業中

休息中

大圍新商場圍方有好多嘢食，呢間專食海南雞飯嘅餐廳都開咗嚟呢度。一於去食下😋夜晚好多人喺度等位，人氣相當高。我哋叫咗一個文華海南雞飯$138、一個白胡椒肉骨茶配白飯$132。海南雞飯我轉左雞髀，雞皮夠光澤，而且雞肉嫩滑，有薑蓉、醬油、辣醬三款醬汁。鍾意海南雞配油飯，油飯夠香，不自覺地食晒成碗飯🙈除咗海南雞飯，白胡椒肉骨茶都唔錯，白胡椒味夠香，肉骨茶幾好飲。仲配有非常夠脆嘅油炸鬼。啲豬骨夠腍身，而且份量都幾多。