亞參雞飯 (The LOHAS康城)

營業中

休息中

今日岩岩行開康城，突然好掛住新加坡既海南雞飯，見到康城有間亞參雞飯，未食過就諗住去試吓。未行到門口，帶位姐姐已經好熱情問我有幾多位，之後等左一陣好快就快得。入到去坐低，員工好熱心咁樣介紹有咩食，我淨係點咗個海南雞飯。本身諗住餐廳多人，出餐都要用好耐，點知好快就有飯食。海南雞飯色水都幾好，海南雞起哂骨同冇碎骨，另外都有肉汁同鮮味，最緊要重要好滑，口感十分之好。而雞油飯方便亦都軟硬適中，亦都好夠味。湯係冬瓜湯，仲有幾個冬瓜喺碗入邊，清清哋唔會太鹹，最緊要夠熱。 餐廳清潔方面做得幾好，望落去十分整潔，推薦海南雞飯，可以一試。