海宴樓 (已結業)

難得今日咁好天，冇再落雨，就去尖沙咀行街 =]不知不覺來到佐敦，原來已經到 7點幾，都有 d 肚餓，於是來到佐敦薈海宴樓 dinner！因為朋友話好想食海鮮，而我亦記得同事話呢間酒樓既海鮮不錯，一於試試。呢間酒樓效率超高，我地落單落左10-15分鐘，就已經黎齊，而且食完真係好唔錯，就逐一介紹下啦。 　♥ 有氣礦泉水燉杏汁白肺湯 ♥ 杏汁不嬲都有養顏功效，平時在家一定唔會煲，所以一見到餐牌有就好想試 =]白肺湯熱乎乎，飲落去好暖胃，淡淡既杏汁味，好順滑、潤肺，同朋友每日飲左 3 -4碗，超健康養生！　♥ 燒腩仔 ♥呢個一定要讚，肉質嫩滑，一 d 都唔肥，而且最重要既係 d 皮十分香脆、可口，食完一啖又一啖！　 ♥ 牛尾煲 ♥ (跟法式蒜蓉包)牛尾煲用上蕃茄汁，酸酸甜甜，十分開胃，食慾增加！而且牛尾份量十分之多，入面既西芹、紅蘿蔔、蕃茄亦相當足料 =]相對上，牛尾肉 70% 而骨有 30%；食上口啖啖肉，絕不會覺得骨多呃秤！ 　♥ 蒜茸蒸西貢峇門野生車蠔 ♥車蠔不算很大粒，不過鮮味非常！蒜香濃郁，蒜蓉、白蔥、粉絲，整隻車蠔都算好足料。　 ♥ 白灼西貢峇門野生青口 ♥青口大隻，而且超級新鮮