六公館

營業中

休息中

早幾日訂咗book六公館同屋企人食餐好啲既新年飯！今次我地叫咗黃金滿屋套餐，有7款新年餸，配合埋海景簡直一流！最欣賞呢個甜蜜美滿『龍眼蜜燒西班牙黑豚叉燒』真係超正！食落覺得啲龍眼蜜cover成嚿黑豚叉燒，好入味， 肥瘦均勻，大人小朋友都鐘意食 黃金撈起『雞樅菌撈黃金耳』有少許麻辣嘅味道，落口感層次豐富，雞樅菌好爽口，做前菜一流 我地一致意同覺得大展鴻圖『鴻圖海皇翅』好好飲，好足料，入面有蟹肉同海皇翅，好滑又爽口，飲完仲想再飲呀👍 最特別係恭賀金鳳鳴『龍井燻太爺雞』好少食到用龍井燻，令到隻雞入哂味！太爺雞好滑， 完全唔鞋，正呀❤️ 金哈大笑『金不換奶油蝦』賣相好好睇之餘，味道好特別！有金不換既味道，啲蝦係用油炸，食落去脆卜卜，好惹味 苦盡甘來『八寶白涼瓜』呢一味最啱老人家食，食落甘甘地又唔苦，連埋入面啲餡一齊食啲味道啱啱好👍發財好市長壽麵蠔豉配發菜幼麵，一家大細都啱食，味道唔會太咸， 又好好意頭！