名家韓國餐廳

營業中

休息中

「名家」在香港島有兩間分店，但都係揀咗過海去尖沙咀店........全因👇🏽呢個景。閠蜜三人自從要蒙著嘴😷到現在，差不多兩年無聚餐，坐卡位望住海景談天説地，使淡靜歲月變豐富。三人點咗三個餐。侍應迅速送上六碟配菜：醃青瓜、甜黑豆、菠菜、生菜沙律、韓式泡菜及芽菜。個人喜歡黑豆，因為營養價值高。不過做得偏甜。泡菜對腸道有益，要添食。留意：配菜在午飯時段只可添食其中三碟！餐廳會用純白色碟分出第二次叫的配菜，相當認真！🥘濟洲紅椒醬黑豚肉-侍應口快快講咗「豬腩肉」！即時幻想到油脂槳住個口。不過因為席上有人唔食牛，所以最後都叫咗豚肉餐。食落豬肉質地真係幾肥！雖然係用鐵板上，又用紅椒醬入饌，但仍欠燒烤風味。🥘石煱飯配雞肉雞肉真係少得很，用來撈飯的甜醬亦欠驚喜。🥘炆牛肋骨配白飯這道菜係三道之中最好味的。牛肋骨炆得好soft，雖然個汁唔係太濃，但已經夠好味及相當下飯。記得食得健康，先把肥膏除去才享用。不知不覺在店中進餐近兩小時！舒適座位及窗外景色都變了甜品師傅，巧妙地為一頓閨蜜聚餐填滿甜密幸福！