塚田農場 (已結業)

塚田農場呢間海港城分店有海景包圍～睇餐牌見到火鍋好似幾正，尤其係呢個美人鍋，感覺養生，滋潤～濃厚雞湯，每一啖湯都係精華，幾清甜好飲！由啫喱狀煮開化成高湯～揀咗有三款肉嘅美人鍋餐，和牛、鹿兒島豚同黑薩摩地雞～三款肉都切到好薄，好快淥一陣就食得，雞肉嫩滑～仲有大量不同款式嘅蔬菜，配襯美人鍋湯底～三款醬汁各有特色，韮菜醬油香口，中間蒜香惹味，麻醬香濃重味～三文魚牛油果美人卷，紙米卷爽脆清新，配搭唔錯～仲有cream brûlée 甜品，幼滑香甜～飲品買一送一，抵！