漁場台風

營業中

休息中

上一次嚟已經知道呢度日頭賣沾麵，晚上賣拉麵。既然已經試過沾麵，拉麵當然走唔甩。今晚收工又去左排隊，同上次一樣多人，真係客似雲來。好在今日預早少少到，排一陣已經可以入餐廳。同上次入去既感覺一樣都係咁多動漫野。晚上點餐紙轉晒拉麵，不過大同小異。沙甸魚味豚骨拉麵大食既我驚唔飽揀左300g又加左叉燒，原來300g真係勁多麵，連我幾大食都食唔晒，建議女仔揀番150g，男仔揀番200g已經ok。沙甸魚味豚骨拉麵的湯底味道濃，拉麵的軟硬度適中，口感唔錯。而再加既叉燒亦有三大塊，叉燒有腍腍口感，肥瘦適中。餐廳餐牌上面提及這款拉麵是推介給喜歡海洋味道的客人，雖然海洋味道來得比較抽象，我亦未能將海洋味道和沙甸魚味豚骨拉麵兩者結合。但的確我是一個喜歡海洋味道又喜歡沙甸魚味豚骨拉麵的客人。這個麵我確實喜歡。