祥仔辣辣 (海運大廈) (已結業)

海港城買野拎左幾張cash coupon ，今次一於用左dining coupon 先😍😍我舊同事仔好耐之前介紹過我話祥仔辣辣嘅酸菜魚唔錯，我一路都想來試吓，不過未有夾啱機會，今次一於試試。餐廳環境唔錯，好有新派中菜嘅氣氛，如果坐窗口位會更加正，可惜今次係冇book位，如果唔係一定坐窗口位，可以影埋個景❤️叫咗個二人餐，入邊有酸菜魚，四季豆，餐前三小碟，咕嚕肉，仲有甜品，真係好豐富，兩個人應該食唔晒，三個人都夠食。先講佢嘅酸菜魚，賣相好靚，我哋叫咗中辣，我個人覺得都唔算太辣，整得啱啱好，美中不足嘅係中間有2舊有骨，其實價錢就唔算平，始終人哋都響海港城😆😆咕嚕肉嘅表現，就比較普通，同一般嘅咕嚕肉味道差唔多😺如果想搵地方同朋友傾偈，可以揀呢間中菜，不過入坐起計個半鐘，如果想食得耐嘅朋友就會有啲趕🥰#祥仔辣辣 #海港城#中菜#食評#夜景#傾計#酸菜魚#咕嚕肉#四季豆#尖沙咀搵食飯團