韓樂 (TKO Gateway西翼)

營業中

休息中

厚德商場改名變身TKO GATEWAY後有多間新食肆，其中一間就係Momoku韓樂。雖然並唔係正宗韓國菜，但係價錢大眾化，食物選擇亦算多款式，都係一個唔錯嘅選擇。餐廳地方寬敞，座位由一至兩人至六至八人嘅卡座都有，而且設計有風格，我覺得有啲似喺海盜船🙄，以木同鐵為主。午巿嚟到，客人好多，我哋每人揀咗午餐一個，配涷飲一杯加3蚊。手工咖喱牛腩珍珠飯，飯唔軟又唔太硬，啱啱好，咖喱幾香唔太辣，而入面嘅牛腩幾多亦幾淋😋。香草烤雞意大利飯，中規中矩，啲飯唔夠淋。香蔥三文魚蛋包飯，只係將蛋，蔥，洋蔥，三文魚煎成蛋餅擺喺飯上面，好乾😑。韓式雞絲炒粉絲，幾香，好味。蜜桃豬扒焗飯，蜜桃甜甜哋配飯好清新，豬扒亦大大份又鬆軟，芝士亦唔少。野菜牛肉炒烏冬，味道唔錯，不過配菜多，牛肉好少😅。野菌白汁焗烤雞扁意粉，雞扒大大件，白汁亦好Creamy，好味😊。