影片
更多
2023-10-12
18 瀏覽
為左慶祝周年紀念，我特別揀左呢間海膽主題專門店，因為我同我老公都超鍾意食海膽，呢間店食物超高質，仲可以遠望馬場景，係露台仲有個無面人既打卡位。活生蠔刺身 (西班牙 銀堡、加拿大Gailiano、美國 黃寶石、法國 聖馬田)叫左4款唔同既試下，每款都好有特色，美國既好鮮甜、法國既海水味比較濃、西班牙入口帶適量鑛物味、加拿大海水味偏淡，但肉質creamy肥美。油甘魚薄切刺身配無花果松露油油甘魚口感細緻甘甜, 油脂適中，富有彈性，而無花果營養豐富，可減少膽固醇在血管中沉積，降低患心血管疾病的風險。火炙帶子海膽手卷、松葉蟹肉手卷海膽鮮甜，帶子好大粒，火炙過更香，兩樣配搭起來真係好食，松葉蟹肉手卷用上頂級松葉蟹肉，賣相精緻。Wasabi橫隔肌、蘋果豚肉卷、紫蘇雞皮虎蝦串、黑燒羊西冷、海膽醬燒半殼蠔橫隔肌即肋骨內側，與橫隔膜相連的地方。牛味濃郁，配上微辣既Wasabi，好惹味，蘋果可以中和豚肉既油膩感，好夾，虎蝦肉質鮮甜，雞皮香脆，再配搭埋紫蘇葉的清香，三重口感。羊西冷肉質細嫩，估唔到配黑芝麻醬甜甜地又幾特別，將海膽醬放係燒熟既生蠔上，一次過可以食哂兩樣最鍾意既美食。立鱗燒配海膽汁立鱗燒就是在煎魚
為左慶祝周年紀念，我特別揀左呢間海膽主題專門店，因為我同我老公都超鍾意食海膽，呢間店食物超高質，仲可以遠望馬場景，係露台仲有個無面人既打卡位。
活生蠔刺身 (西班牙 銀堡、加拿大Gailiano、美國 黃寶石、法國 聖馬田)
叫左4款唔同既試下，每款都好有特色，美國既好鮮甜、法國既海水味比較濃、西班牙入口帶適量鑛物味、加拿大海水味偏淡，但肉質creamy肥美。
油甘魚薄切刺身配無花果松露油
油甘魚口感細緻甘甜, 油脂適中，富有彈性，而無花果營養豐富，可減少膽固醇在血管中沉積，降低患心血管疾病的風險。
火炙帶子海膽手卷、松葉蟹肉手卷
海膽鮮甜，帶子好大粒，火炙過更香，兩樣配搭起來真係好食，松葉蟹肉手卷用上頂級松葉蟹肉，賣相精緻。
Wasabi橫隔肌、蘋果豚肉卷、紫蘇雞皮虎蝦串、黑燒羊西冷、海膽醬燒半殼蠔
橫隔肌即肋骨內側，與橫隔膜相連的地方。牛味濃郁，配上微辣既Wasabi，好惹味，蘋果可以中和豚肉既油膩感，好夾，虎蝦肉質鮮甜，雞皮香脆，再配搭埋紫蘇葉的清香，三重口感。羊西冷肉質細嫩，估唔到配黑芝麻醬甜甜地又幾特別，將海膽醬放係燒熟既生蠔上，一次過可以食哂兩樣最鍾意既美食。
立鱗燒配海膽汁
立鱗燒就是在煎魚時用熱油一勺勺淋在魚鱗上，讓鱗片層層立起、酥脆可食，而魚肉依然保持嫩滑，再配埋creamy既海膽汁。
波士頓龍蝦伴海膽醬
作為一間海膽專門店，當然所有野都會用到海膽，連龍蝦都可以配海膽醬，去殼厚肉既龍蝦，啖啖都係飽滿既龍蝦肉，又爽口又彈牙。
Fruit Body
有菠蘿，亦有莓味，好開胃。
張貼
