九州市場 (已結業)

曾幾何時, 呢度同位於山林道既大壽日本料理, 都係公司飯堂(尤其係後者, 我地一班同業都經常碰口碰面, 可惜經營上多番變動, 熟悉既面孔相繼離去, 食品質素下降, 我地惟有轉場, 唉！)講番九州, 今次10點後去到, 已經係late dinner時段, 下層地鋪冇人坐, 上層都只係坐著6,7檯客, 可能因為人少關係, 整晚既服務相當唔錯！兩枝公叫左兩款刺身, 分別係油甘魚同海膽, 辣酒煮翡翠螺, 汁燒銀雪魚, 鰻魚炒飯, 甜品我地order左菠蘿雪葩同vanilla雪糕。兩款刺身好新鮮, 特別係個d海膽, 份量係足足一大板, 又甜又甘香, 真係ichiban！辣酒煮翡翠螺d汁好甜好辣, 螺肉好味得黎夠咬口, 每一口都係享受(自從品味一族摺左之後, 可以食螺既地方越黎越少, 起碼要好食又唔會肚瀉丫嘛), 汁燒銀雪魚好甜好滑, 鰻魚炒飯同甜品就冇乜驚喜, 一般貨色咁啦, 埋單hkd570. 合理！