Operetta (已結業)

間唔中豪少少食一餐， 個人都開心啲呀！今次嚟到金鐘Pacific place, 試呢間餐廳。見到個價錢都並唔平，咁就梗係要揀自己最鍾意食嘅嘢啦。揀咗呢個名字有啲普通，但原來用料上乘嘅卡邦妮意粉。呢個意粉原來用咗海膽糟質，唔怪得知一食落口就有海膽濃烈嘅鮮甜味，超級惹味。不過唯獨係意粉煮得唔夠淋，硬到中間好似有少少未熟咁，我都嚇親添。Burrata cheese係我最近愛上左嘅芝士，好鍾意佢嘅羊奶味道少少羶，質感獨特，既可以拉絲，煙煙韌韌，但又好似有啲watery咁，好特別！