影片
更多
2023-01-30
35 瀏覽
我同女朋友好掛住日本啲海膽，所以搵咗呢間以海膽為主題嘅餐廳，諗住試吓佢啲海膽係咪真係咁正。竹炭麵包配海膽醬呢個starter幾特別，佢係黑色嘅竹炭麵包，之後點用海膽製成嘅醬黎食，鮮味十足，同埋係新鮮冇腥味。金目鯛刺身刺身並唔係齋用刀將魚切成魚生片，而係會用火燒下魚嘅表面，呢個步驟會帶來火炙嘅魚油香味，亦都令到食落口冇咁膩。北海道海膽職員介紹咗個幾抵嘅package，$1288有一板100g嘅海膽+一支720ml嘅清酒。嚟到餐廳最期待呢刻，終於比我搵到係日本食海膽嘅感覺，新鮮、香濃又唔苦，連埋sake食呢個幾match，令到鮮味提升。 鐵板牛舌蔥同埋蒜片鋪咗係半生嘅牛舌上面，用鐵板嘅熱力整熟塊肉，口感爽口嫩滑，只係要留意返個口會有幾強嘅蒜味。味噌燒蠔蠔本身係鮮甜嘅，師傅加左脆脆在上，增添不少口感，幾有趣嘅。不過佢可能唔想味噌嘅味道蓋過蠔鮮味，而令到味噌味好淡。鐵板帆立貝牛油汁味好香嘅帆立貝配上日本菇同南瓜，而南瓜好有心機整成千層糕咁，中間夾左芝士片，係一個有特色又好食嘅菜。海膽帶子意粉個意粉比到驚喜我哋，意粉嘅汁主要用海膽整出嚟，調校過有少少酸味，令到個胃可以喺食咗咁多好嘢之後都繼續食呢
竹炭麵包配海膽醬
呢個starter幾特別，佢係黑色嘅竹炭麵包，之後點用海膽製成嘅醬黎食，鮮味十足，同埋係新鮮冇腥味。
金目鯛刺身
刺身並唔係齋用刀將魚切成魚生片，而係會用火燒下魚嘅表面，呢個步驟會帶來火炙嘅魚油香味，亦都令到食落口冇咁膩。
北海道海膽
職員介紹咗個幾抵嘅package，$1288有一板100g嘅海膽+一支720ml嘅清酒。嚟到餐廳最期待呢刻，終於比我搵到係日本食海膽嘅感覺，新鮮、香濃又唔苦，連埋sake食呢個幾match，令到鮮味提升。
鐵板牛舌
蔥同埋蒜片鋪咗係半生嘅牛舌上面，用鐵板嘅熱力整熟塊肉，口感爽口嫩滑，只係要留意返個口會有幾強嘅蒜味。
味噌燒蠔
蠔本身係鮮甜嘅，師傅加左脆脆在上，增添不少口感，幾有趣嘅。不過佢可能唔想味噌嘅味道蓋過蠔鮮味，而令到味噌味好淡。
鐵板帆立貝
牛油汁味好香嘅帆立貝配上日本菇同南瓜，而南瓜好有心機整成千層糕咁，中間夾左芝士片，係一個有特色又好食嘅菜。
海膽帶子意粉
個意粉比到驚喜我哋，意粉嘅汁主要用海膽整出嚟，調校過有少少酸味，令到個胃可以喺食咗咁多好嘢之後都繼續食呢個意粉，另外個魚子醬提到個味。
柚子雪葩
感覺自然，有真嘅柚子皮係雪葩入面，香氣refresh 返口腔，甜度適中。
Overall黎講，餐廳採用嘅食材新鮮，處理嘅方法亦都係一流，餐廳裝修別出心裁，食具精緻，同埋過服務態度非常貼心，會照顧客人需要。另外有户外位可以俾有需要嘅人坐，個位係可以望到馬場。
張貼
