立鮨

營業中

休息中

去到大埔，通常我都諗起會食好出名的炸雞批！但今次我去食一間日本嘅菜式餐廳！呢間餐廳除咗環境好優雅同美觀之外，食物嘅質素亦都係超班！重點係價錢一啲都唔貴！性價質素比高！由於太耐冇食海膽嘅關係，今次決定呀一個雜錦海膽丼飯，獎勵下自己！呢個海膽丼飯真係不得了！除咗有唔同嘅海膽種類形成之外，帶甜帶鹹味既鮮美，仲有一隻海膽味道非常似哈密瓜！真係好特別，完全唔需要點醬油，同芥辣都已經好新鮮好好食！丼飯口感亦都啱啱好配上青瓜絲同蘿蔔絲！食落去仲好清新感覺！跟住我再要咗個火焰左口魚壽司，由於本人實在太鍾意食左口魚，除咗佢嘅質感入口即溶令我上癮之外！佢亦都鮮香，難怪食完會想再叫多一次食停唔到！中間配咗個鮮蝦頭湯，呢個我覺得一定要試！鮮蝦頭湯味道香濃配上豆腐粒海苔，除咗有美顏功效口感亦都一流！當然唔少得就係一定要叫我最鍾意食嘅三文魚刺身！三文魚完全不計成本咁樣厚切3片，食落去每一片都好似等於兩片！口感非常滿足！再加上去嘅三文魚刺身非常新鮮！相信每次都一定要叫黎食！立鮨大埔區大埔超級城A區地下C12號