莆田 (美麗華廣場2期) (已結業)

假日去shopping經過美麗華見到呢間米芝蓮得獎餐廳做緊海蠣節～ 身為海蠣愛好者當然唔可以錯過呢次機會啦🤤 今次推咗六款冬至鮮海蠣菜式、煎炸燜煮樣樣有齊，一定會有款啱你心水🥰海蠣煮泗粉以蕃薯粉做成，口感滑爽彈牙，入面更有大量嘅蠔粒、五花肉、冬菇等配料，惹味無窮💕 香炸海蠣餅上枱時熱辣辣，外皮炸至金黃色，香脆可口，咬落去食到啖啖嘅海蠣肉，十分滿足😬精美四小拼集齊四款福建嘅經典小食，小腸清潔得好乾淨，彈牙入味、紫菜酸酸地咁十分開胃、筍乾甘甜爽口、個人最推醉蚶，創新又好味😎莆田荔枝肉先酸後甜，味道久久不散，肉質嫩滑而且個皮都唔厚～ 家燒海帶苗幾有驚喜，浸海帶都係第一次食，感覺更加健康😋福建紅姑海鮮滷麵份量十足，紅紅嘅湯底以紅菇、香菇、蝦仁乾、五花肉、花生、蔬菜等多款配料煮成，濃而唔稠，忍唔住一啖接一啖🥺 最後以滋補嘅建蓮雪耳湯作結，開