影片
更多
2023-06-21
35 瀏覽
返咗成星期工，最鍾意星期六日瞓到自然醒，然後起身嘆返個brunch～西灣河海濱呢一帶有唔少西餐廳，全部都各有特色，仲要可以望到個大海景，吹住海風🌊，過返日慢活嘅生活幾寫意！今次嚟到呢間餐廳完全係比佢嘅brunch set吸引到，主要都係西式啲嘅麵包類組合，簡單配搭又好食，仲有啲burger或者海鮮類可以選擇！餐廳有唔少戶外嘅位置，可以同寵物一齊嚟🐶🐱，吹住海風chill住咁嘆返個brunch，超正！🥳------------------------------🥓◖Bacon, Egg and Cheese Tortilla◗ $128呢個薄餅感覺更似係加咗芝士嘅蛋餅，食落口感偏軟，入面包咗唔少煙肉同火腿，食落咸香咸香！表面有蛋黃醬同拉差辣椒醬，辣椒醬豐富晒成個餅嘅味道，個醬尾調有少少酸味，幾特別~🦞◖Eastside Lobster Hash◗ $168特別嘅東岸小食，鐵鑊上嘅龍蝦肉炒薯仔，裏面有啲洋蔥、紅蘿蔔、青豆同煎蛋～龍蝦肉食落幾有鮮味，但口感略嫌有啲韌，其他配料撈埋啲醬汁一齊食，口感好豐富！🍳◖CNP Benedict◗ $128呢個有兩隻班尼迪蛋，配雜菌、火箭菜、車厘茄同雜菜
今次嚟到呢間餐廳完全係比佢嘅brunch set吸引到，主要都係西式啲嘅麵包類組合，簡單配搭又好食，仲有啲burger或者海鮮類可以選擇！餐廳有唔少戶外嘅位置，可以同寵物一齊嚟🐶🐱，吹住海風chill住咁嘆返個brunch，超正！🥳
------------------------------
🥓◖Bacon, Egg and Cheese Tortilla◗ $128
呢個薄餅感覺更似係加咗芝士嘅蛋餅，食落口感偏軟，入面包咗唔少煙肉同火腿，食落咸香咸香！表面有蛋黃醬同拉差辣椒醬，辣椒醬豐富晒成個餅嘅味道，個醬尾調有少少酸味，幾特別~
🦞◖Eastside Lobster Hash◗ $168
特別嘅東岸小食，鐵鑊上嘅龍蝦肉炒薯仔，裏面有啲洋蔥、紅蘿蔔、青豆同煎蛋～龍蝦肉食落幾有鮮味，但口感略嫌有啲韌，其他配料撈埋啲醬汁一齊食，口感好豐富！
🍳◖CNP Benedict◗ $128
呢個有兩隻班尼迪蛋，配雜菌、火箭菜、車厘茄同雜菜沙律，酸種麵包底，荷蘭汁牛油味幾濃郁幾香！雜菌菇味好濃，炒得濕濕地，加埋其他配料令個包底唔會烘得太乾，但又可以保持到個香脆感！
🥪◖Good Morning Fidel Pork Sandwich◗ $148
食brunch梗係要有啲早餐選擇，呢個包底烘得超脆，好鍾意呢種偏硬嘅口感！佢裏面夾住啲煙肉、火腿、酸瓜同芥末醬，幾欣賞佢嘅煙肉，煙燻味好香，而且一啲都唔肥，夾晒一齊食好滿足，整體味道會偏鹹少少～
🌟 Encore指數：8.2/10
張貼
