影片
更多
2017-01-20
4980 瀏覽
自從上次試過Bistro on the Mile七日不同主題海鮮，今次轉換角色，由星期一至星期日，先後是加拿大帶子、美國生蠔、澳洲海蔘、越南虎蝦、貝殼類、美國龍蝦及愛爾蘭蟹。 就趁快到新年，跟幾位飯腳團年。 生蠔 美國生蠔似乎成了近年Buffet新寵，無論在肉質、及蠔味上，都比以前進步，加上是即開貨色，衛生有保證。 Seafood Station 至於海鮮有長腳蟹爪、翡翠螺、小紅龍蝦、藍貝及熟蝦，陣容未算強勁，但質素好，翡翠螺夠大隻、小紅龍蝦肉質咸鮮，而長腳蟹爪鮮甜，解凍處理得相當好。 熱葷 蒜蓉粉絲蒸扇貝 扇貝新鮮，粉絲蘸滿了豉油，加埋粉絲變得好惹味。 羊腩煲 炆得夠稔入味，如果可以有生菜即淥就更正。 莧菜白汁焗蠔 一點都不乾身，白汁香滑，不錯。 北京填鴨 客人可以自行用薄餅皮包裹，夠晒風味。 燒羊扒配薄荷啫喱 羶味不太重，但似乎焗得太熟。 海鮮西蘭花 有蝦仁、鮮魷及帶子肉，很有酒席菜感覺。 臘味糯米飯 比預期中香口及有嚼口，如果仲有胃口，值得一試。 椒鹽炒釀蟹蓋 係自助餐中比較少見，好香口，而不太辣。 熱葷另外仲有炆龍脷柳豆豉汁、芥末沙拉骨、印式烤雞、
就趁快到新年，跟幾位飯腳團年。
生蠔美國生蠔似乎成了近年Buffet新寵，無論在肉質、及蠔味上，都比以前進步，加上是即開貨色，衛生有保證。
Seafood Station至於海鮮有長腳蟹爪、翡翠螺、小紅龍蝦、藍貝及熟蝦，陣容未算強勁，但質素好，翡翠螺夠大隻、小紅龍蝦肉質咸鮮，而長腳蟹爪鮮甜，解凍處理得相當好。
熱葷
蒜蓉粉絲蒸扇貝
扇貝新鮮，粉絲蘸滿了豉油，加埋粉絲變得好惹味。
羊腩煲炆得夠稔入味，如果可以有生菜即淥就更正。
莧菜白汁焗蠔一點都不乾身，白汁香滑，不錯。
北京填鴨客人可以自行用薄餅皮包裹，夠晒風味。
燒羊扒配薄荷啫喱羶味不太重，但似乎焗得太熟。
海鮮西蘭花有蝦仁、鮮魷及帶子肉，很有酒席菜感覺。
臘味糯米飯比預期中香口及有嚼口，如果仲有胃口，值得一試。
椒鹽炒釀蟹蓋係自助餐中比較少見，好香口，而不太辣。
熱葷另外仲有炆龍脷柳豆豉汁、芥末沙拉骨、印式烤雞、印果阿邦羊肉咖喱及印度雜菜咖喱，總有一款啱心意。
Carving Station
蝦、鱸魚、魷魚、青口及甜椒
起初望見食物盤，見得幾件以為廚師懶煎，原來係想保持即煎熱辣辣，既可控制份量，又不會浪費，在幾款海鮮中，最好食係海蝦同甜椒。
即煎鵝肝外脆內軟，入口慢慢溶化的感覺真好，油香十足，就算幾邪惡，偶爾一件無妨。
燒西冷扒又係等到見血先要，有嚼口之餘，肉味不俗，可以試試。
酥皮三文魚真心推薦的一道菜，酥皮鬆化而內裡層次分明，保留了魚肉的柔嫩，又有肉汁，很少地方找到。
湯
這裡的湯一向夠火喉，今次燉湯是川貝燉鱷魚肉，原盅上，湯色清澈又清甜，用上川貝及鱷魚肉，最啱氣管不適既朋友。花生眉豆雞腳湯
煲到所有材料都散晒，味道都跑到湯裡，用時間換來的味道，哪有不好喝的道理。
紅甜椒忌廉湯
西湯亦質感滑溜，灑點胡椒粉更可口。
刺身多次到訪中最強的一次，有八爪魚、吞拿魚、鯛魚、三文魚、甜蝦、仿鮑魚片，又係無雪味，肉質柔嫩。
壽司螺肉、蟹籽、北寄貝、炙三文魚及辣八爪魚碎。
天婦羅
只取了炸蝦，脆漿厚薄合格，略嫌油份多少少。
冷盤
是晚是蠔作主題，不少菜色都帶有蠔的色彩。
蠔肉蕃茄啫喱杯、蠔肉雞肉沙律、蠔肉忌廉芝士甜椒卷及煙蠔雜菌沙律。
仲有煙鴨胸、煙火雞肉、黑森林火腿、凍雜肉、煙三文魚及西班牙火腿。甜品
橙酒班戟
屬於懷舊甜品，在自助餐出現真的少之又少，班戟皮用橙酒及橙皮煮過，甜味及香氣都逼入班戟皮裡，香甜又軟綿，超好食。
哈根大師有草莓、朱古力及香草口味，加埋落班戟一齊食，一冷一熱，風味絕佳。
甜品仲有焗冧酒提子芝士蛋糕、法式焦糖燉蛋、車區厘子吉士撻、Cupcake、白朱古力開心果蛋糕、葡撻、椰子香芒慕絲、杞子桂花糕、木糠布甸、鲜果撻、香蕉批、紅豆綠茶卷與及Tiramisu。整體菜色比之前出色，種類及質素亦相對有進步，其實餐廳地點就腳，約人超方便，其實食團年飯又唔一定要中菜嘅！
其實酒店中菜廳「龍苑」今年推出了「花旗蔘紅棗糕」、「鯉魚薑汁年糕」及「瑤柱臘味蘿蔔糕」 ，上年食過蘿蔔糕，囝囝大讚，今年再下一城，想不到兩日已經給完全消滅了，講真，食落有絲絲蘿蔔，而且清甜，臘肉比例啱啱好，不會太多搶味，一於下年再食過。Facebook 專頁 : Bistro on the Mile
酒店專頁 : Holiday Inn Golden Mile Hong Kong Hotel
P.S : 星期日至四 成人 $549 長者 $439 小童 $384
星期五及六 成人 $609 長者487 小童 $426
Openrice下載優惠卷可獲8折優惠。
張貼
