影片
更多
2015-12-19
3241 瀏覽
約朋友食飯，大家都想試海鮮塔，於是上網搵，見到呢間，就訂位嚟食。原來佢唔係韓國餐廳，而係海鮮餐廳，海鮮一律清蒸（塔）或做刺身，仲有少量係打邊爐嘅。佢嘅賣點，就當然喺海鮮嘅質素，包括新鮮度。店員好落力介紹海鮮，會叫我地出魚缸到睇。我覺得睇住實物咁order係幾好嘅～最後點左10寸瀨尿蝦、細扇貝、澳洲海中蝦、大尾魷魚、水晶蟹，同埋八爪魚同北寄貝刺身；海鮮塔最底鍋湯，就點左韓式豆腐湯。逐樣講⋯⋯由於店入面好光猛，刺身都擺得好靚，令平時唔中意相機食先嘅我都影左少量相。八爪魚刺身係OK嘅，切得好大片，不過仲未融晒雪，扣少少分。今次係第一次食活北寄貝刺身（平時食紅白色嘅係熟架），出乎意料地好食！灰色位置chewy有鮮味，白色位置好甜，好似入口溶化咁，極度推介！跟住就到主角：海鮮塔。上枱嘅時候係好興奮嘅，每款海鮮一層，隻蟹太大隻分左兩層，所以我地都有成六層！XD 第一層係魷魚，我覺得普普通通啦⋯⋯同埋朋友堅持呢隻一定唔係大尾魷。但睇價錢（$48），是但啦。澳洲海中蝦，好多隻，老老實實，都係普普通通啦，係新鮮彈牙嘅但好似平時都食到。扇貝就正喇，真原隻（半殼）扇貝，鮮甜。我記得，食完係有幸福感嘅。10寸
原來佢唔係韓國餐廳，而係海鮮餐廳，海鮮一律清蒸（塔）或做刺身，仲有少量係打邊爐嘅。佢嘅賣點，就當然喺海鮮嘅質素，包括新鮮度。
店員好落力介紹海鮮，會叫我地出魚缸到睇。我覺得睇住實物咁order係幾好嘅～
最後點左10寸瀨尿蝦、細扇貝、澳洲海中蝦、大尾魷魚、水晶蟹，同埋八爪魚同北寄貝刺身；海鮮塔最底鍋湯，就點左韓式豆腐湯。
逐樣講⋯⋯由於店入面好光猛，刺身都擺得好靚，令平時唔中意相機食先嘅我都影左少量相。八爪魚刺身係OK嘅，切得好大片，不過仲未融晒雪，扣少少分。今次係第一次食活北寄貝刺身（平時食紅白色嘅係熟架），出乎意料地好食！灰色位置chewy有鮮味，白色位置好甜，好似入口溶化咁，極度推介！
八爪魚刺身
103 瀏覽
0 讚好
0 留言
活北寄貝刺身
87 瀏覽
0 讚好
0 留言
第一層係魷魚，我覺得普普通通啦⋯⋯同埋朋友堅持呢隻一定唔係大尾魷。但睇價錢（$48），是但啦。
｢大尾魷魚」
$48
124 瀏覽
0 讚好
0 留言
澳洲海中蝦
$148
100 瀏覽
0 讚好
0 留言
10寸瀨尿蝦都係堅料，我地3個人share，我食尾，嘩，肉上面一層膏，肉甜膏鮮，我連D軟腳仔都食埋XD
但問題嚟喇。你見我篇食評，形容詞嚟嚟去去都係「甜」同「鮮」，正正就係呢餐最大嘅問題：樣樣都差唔多味，食到呢到已經滯左！但係仲有$688嘅水晶蟹啊！！！！！佢喺最底一層！！！我地一人夾左舊，食，最後都係投降，實在唔想喺冇晒胃口嘅狀態下硬哽左佢，只好打包。其實我地有問過店員有冇醬料可以點，但佢地話想大家食到海鮮本身嘅味道，所以係冇醬料嘅，除左點刺身嘅豉油。咁我都佩服佢地呢點嘅！應該要對自家食材好有信心先會咁做。不過個客觀結果就係食到某個份量之後就食唔落T_T
煲湯嚟講，係幾正嘅。韓式豆腐湯，有泡菜、芽菜、金菇、豆腐等，辣辣地，似喺韓國飲到嘅大醬湯，係好味嘅～配飯一流。但係可能因為個湯本身濃味，飲唔到特別嘅「每層海鮮蒸出嚟嘅精華滴晒落去」嘅味道。
補充返隻好貴嘅蟹嘅下落：第二晚晚餐，拆晒D肉出嚟蒸返熱食。一路拆都一路忍唔住食，因為真係好鮮甜（又嚟！）。但係，即使喺好肚餓嘅情況下，我都係食唔晒隻蟹⋯⋯食到臨尾都係覺滯。原因係⋯⋯隻蟹真係好似怪獸咁大隻！而且每一分每一寸都係肉！如果要試，真係揾多D人去食先至好叫。（我諗至少5個，因為蟹身一開四，仲有肉腳同2隻巨大蟹鉗。）
我建議去食的話，一定要記住少食多滋味，寧願叫少D海鮮，普通嘢就唔好叫（例如魷魚同蝦；八爪魚刺身都普通～），最後個湯可以配飯，好似食韓式湯鍋咁，同埋打邊爐，好處係味道會比較多樣，冇咁單一，應該會更加enjoyable。水晶蟹我覺得⋯⋯⋯⋯⋯⋯可以唔叫。不過食海鮮塔，打開見到隻蟹係幾開心嘅～其實可以一路食，唔夠先追加添啊（當然預D時間啦～）
最後一點，就係咁多層，食得有D壓力，因為一路會驚下面D海鮮蒸到老左！我地D蝦就真係老喇。唔知可以點改善。
題外話/補充資料：
服務幾好，訂位之後店員會whatsapp地圖、點行等等指示俾你，我搭地鐵喺堅尼地城落，跟住指引行好快就到～同埋店員好cheerful，好有活力。
用東亞卡，有D海鮮有平，同埋送一支韓國米酒，詳情打去問店員啦～
(以上食評乃用戶個人意見 , 並不代表OpenRice之觀點。)
張貼
